मुंबई : हुंडा प्रथा ही पुरोगामी महाराष्ट्राला लागलेली एक मोठी किड आहे. वैष्णवी हगवणे छळ आणि मृत्यू प्रकरणानंतर हुंडाबळीचा भस्मासून समाजामधून अद्यापही संपला नसल्याचं समोर आलंय. समाज सुधारलाय प्रगत झालाय त्यामुळे हुंडा बंद झालाय. असं आपण म्हणतो. मात्र हुंडा प्रथा बंद झाली नाही तर त्याचं स्वरूप बदललं आहे. मुलांच्या नोकरीप्रमाणे हुंड्याचं नवं रेटकार्ड तयार झालं आहे.
वैष्णवी हगवणेच्या हुंडाबळीच्या प्रकरणानंतर राज्यातील हुंडा प्रथेवर पुन्हा एकदा जोरदार चर्चा सुरू झाली आहे. हुंडा ही महाराष्ट्राच्या समाजाला लागलेली मोठी किड आहे. समाज सुशिक्षित झालाय, प्रगत झालाय त्यामुळे हुडा प्रथा बंद झाली आहे ही फक्त मिरवायची आणि बोलायची बाब असल्याचं समोर आलंय. कारण राज्यात हुंड्याचा हा भस्मासूर आहे तसाच आहे. फक्त हुंडा घेण्याचं स्वरूप बदललं आहे. पूर्वी हुंडा हा रोखीने घेतला जात होता. मात्र आता छुप्या मार्गाने वेगवेगळे बहाणे करून या ना त्या मार्गे हुंडा हा घेतला जातोच.
हुंड्याचं बदलतं स्वरूप :
फ्लॅट, कार, सोनं, फर्निचर, बाईक, प्लॉट, जमीन, दोन्हीकडील लग्नाचा खर्च, डेस्टिनेशन वेडिंगचा खर्च, वऱ्हाडींच्या जाण्या-येण्याचा खर्च, हनिमुनसाठी परदेश ट्रिपचा खर्च, व्यवसाय सुरू करण्यासाठी पैसे, कर्ज फेडण्यासाठी पैशांची मागणी, उच्च् शिक्षणासाठीचा खर्च, आदिवासी जिल्ह्यात पशुधन इत्यादी.
हुंड्याच्या बदलत्या या स्वरूपासोबतच राज्यातील अनेक विभागांमध्ये हुंड्याचं रेटकार्ड असल्याचीही माहिती समोर आली आहे. मुलाची नोकरी जेवढी चांगली. जमिन-जागा जेवढी चांगली तेवढा त्याच्या हुंड्याचा रेट अधिक असं हे रेटकार्ड आहे. मुलगा जर सरकारी नोकरीत असेल तर त्याचा लग्नाच्या या बाजारात अधिक भाव आहे.
हेही वाचा : कोट्यवधींची रोकड, ऐशोराम व्यवस्था अन् अस्वस्थ अधिकारी; कारवाई काय होणार?
हुंड्याचं नवं रेटकार्ड :
मुलगा पोलीस असेल तर हुंडा 5 लाख, मुलगा आर्मीत असेल तर हुंडा 5 लाख, पीएसआय असेल तर 15 ते 20 लाख, पीआय असेल तर 20 ते 25 लाख, आयएएस अधिकारी असल्यास 50 लाख ते 1 कोटी, क्लास वन अधिकारी असेल तर 30 ते 50 लाख, क्लास टू अधिकारी असल्यास 20 ते 25 लाख, मुलगा क्लास थ्री कर्मचारी असेल तर 10 ते 15 लाख, मुलगा चतुर्थ श्रेणी कर्मचारी असेल तर 5 लाख, मुलाची बागायती शेती असेल तर एकरावर हुंडा ठरतो.
आम्हाला हुंडा घ्यायचा नाही मात्र आई वडिल ऐकायला तयार नाहीत असं अनेकदा लग्नाळू मुलांकडून सांगितलं जातं. मात्र हाही त्यांचा एक दिखावा आहे. त्यामुळे पुरोगामित्वाचा टेंभा मिरवणाऱ्या या महाराष्ट्रातून हुंड्याचा हा राक्षस कधी हद्दपार होणार हा प्रश्न मागच्या पन्नास वर्षांपासून विचारला जातोय.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
