MLA Ramesh Karad Controversy: सत्ताधारी मंत्री-आमदारांच्या वादग्रस्त वक्तव्यामुळे सरकारची डोकेदुखी चांगलीच वाढलीय. दरम्यान आता लातूर ग्रामीणचे आमदार रमेश कराडांनी मुख्यमंत्र्यांच्या उपस्थितीत केलेल्या भाषणाने नवा वाद पेटलाय. भाजप आमदार रमेश कराडांनी लातूर ग्रामीणची पाकिस्तानसोबत तुलना केल्याचा आरोप करत विरोधकांनी त्यांच्यावर टीका केलीय.
भाजप आमदार रमेश कराडांनी मुख्यमंत्री देवेंद्र फडणवीसांसमोरच केलेल्या एका विधानानंतर नवा वाद निर्माण झालाय. लातूर ग्रामीण मतदारसंघ म्हणजे पाकिस्तानात भारताचा झेंडा लावण्यासारखं असल्याचं विधान कराडांनी केलं. दरम्यान त्यांच्या या विधानाचा त्यांच्यावरच बूमरँक झालाय. लातूरमध्ये दिवंगत लोकनेते गोपीनाथ मुंडे यांच्या पूर्णकृती पुतळा अनावरणाच्या कार्यक्रमात रमेश कराडयांनी आपल्याच मतदारसंघाबाबत हे विधान केलंय.
रमेश कराडांच्या वक्तव्यानंतर काँग्रेसनंही त्यांच्यावर जोरदार हल्लाबोल केलाय तर राष्ट्रवादीचे आमदार रोहित पवारांनी देखील रमेश कराडांच्या विधानाचा ट्विट करत समाचार घेतलाय. कराडांच्या विधानाला देवेंद्र फडणवीसांचं समर्थन आहे का?” असा प्रश्न विचारला जातोय. बेताल बरळणाऱ्या सत्ताधाऱ्यांमध्ये लातूर ग्रामीणचे आमदार रमेशअप्पा कराड यांचाही समावेश झाला.
‘‘लातूर ग्रामीण मतदारसंघ म्हणजे पाकिस्तानात भारताचा झेंडा लावण्यासारखा प्रकार’’ असं विधान त्यांनी केलंय. हे त्यांचं वक्तव्य म्हणजे लातूर ग्रामीण मतदारसंघातील तमाम जनतेचा अवमान आहे आणि याबाबत त्यांनी माफी मागितली पाहिजे.
विशेष म्हणजे मुख्यमंत्री महोदय हे व्यासपीठावर असूनही त्यांनी कराड यांना रोखलं नाही, त्यामुळं त्यांचाही या वक्तव्याला पाठींबा आहे का? असा प्रश्न विचारला जातोय. सपाचे आमदार अबू आझमी यांनी देखील रमेश कराड यांच्यावर टीका केलीय. रमेश कराडांचं विधान बेशरमपणाचं असल्याचं अबू आझमी यांनी म्हटलंय.
आपल्याच मतदारसंघाची अप्रत्यक्षरित्या पाकिस्तानशी तुलना केल्याप्रकरणी रमेश कराडला विरोधकांनी चांगलंच कोंडीत पकडलं आहे. तसंच रमेश कराडांवर कारवाई करण्याची मागणी करत विरोधक चांगलेच आक्रमक झाले आहेत.
FAQ
1. भाजप आमदार रमेश कराड यांनी कोणते वादग्रस्त वक्तव्य केले आणि त्याचा परिणाम काय झाला?
लातूर ग्रामीणचे भाजप आमदार रमेश कराड यांनी 11 ऑगस्ट 2025 रोजी लातूरमध्ये दिवंगत नेते गोपीनाथ मुंडे यांच्या पुतळा अनावरण कार्यक्रमात आपल्या मतदारसंघाची तुलना “पाकिस्तानात भारताचा झेंडा लावण्यासारखी” अशी केली. या वक्तव्याने राजकीय वर्तुळात वाद पेटला आहे. काँग्रेस, राष्ट्रवादी काँग्रेस (शरद पवार गट) आणि सपाचे आमदार अबू आझमी यांनी या वक्तव्याचा तीव्र निषेध केला आहे. विरोधकांनी या वक्तव्याला लातूर ग्रामीणच्या जनतेचा अवमान ठरवून कराड यांच्यावर कारवाईची मागणी केली आहे.
2. रमेश कराड यांच्या वक्तव्यावर विरोधकांनी कशी प्रतिक्रिया दिली आहे?
रमेश कराड यांच्या वक्तव्यावर विरोधी पक्षांनी आक्रमक भूमिका घेतली आहे. राष्ट्रवादी काँग्रेस (शरद पवार गट) चे आमदार रोहित पवार यांनी कराड यांचा व्हिडीओ सोशल मीडियावर शेअर करत त्यांनी लातूर ग्रामीणच्या जनतेचा अवमान केल्याचा आरोप केला. त्यांनी मुख्यमंत्री देवेंद्र फडणवीस यांना या वक्तव्याला समर्थन आहे का, असा प्रश्न विचारला. काँग्रेसचे जिल्हाध्यक्ष अभय साळुंखे यांनी मुख्यमंत्र्यांकडे कारवाईची मागणी केली, तर सपाचे आमदार अबू आझमी यांनी वक्तव्याला “बेशरमपणाचे” ठरवले. विरोधकांनी कराड यांना माफी मागण्याची मागणी केली आहे.
3. रमेश कराड यांच्या वक्तव्यासंदर्भात मुख्यमंत्र्यांवर कोणते प्रश्न उपस्थित झाले आहेत?
रमेश कराड यांनी हे वादग्रस्त वक्तव्य मुख्यमंत्री देवेंद्र फडणवीस यांच्या उपस्थितीत केले, परंतु फडणवीस यांनी त्यांना रोखले नाही, यावरून विरोधकांनी प्रश्न उपस्थित केले आहेत. रोहित पवार यांनी ट्विटद्वारे विचारले की, “मुख्यमंत्री व्यासपीठावर असताना कराड यांना थांबवले नाही, याचा अर्थ त्यांचेही या वक्तव्याला समर्थन आहे का?” यामुळे महायुती सरकारवर टीकेची झोड उठली आहे. विरोधकांनी या वक्तव्यामुळे जनतेच्या भावना दुखावल्याचे सांगत कराड यांच्यावर कारवाई आणि माफीची मागणी केली आहे, ज्यामुळे सरकारची अडचण वाढली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
