कोणताही लाभ अथवा हजेरी नोंदविण्यासाठी नव्याने लागू करण्यात आलेली फेस रिडींग सिस्टीम (एफआरएस) ही नागरिकांसाठी नवी डोकेदुखी ठरली आहे. या नव्या तंत्रामुळे एका व्यक्तीला लाभ देण्यासाठी बरेचदा अर्धा-अर्धा तास लागतो. गरोदर मातांसह इतर लाभार्थीही या यंत्रणे
.
पूर्वी रजिस्टरवर स्वाक्षरी केल्यानंतर पोषण आहार दिला जात होता, आता पोषण आहारासाठी फेस रिडिंग अनिवार्य करण्यात आले. प्रत्यक्षात ग्रामीण भागात रेंज नाही, तसेच ॲपची गती मंदावल्यास रिडिंगमध्ये अधिक वेळ वाया जातो. एफआरएस प्रणालीमुळे एका लाभार्थ्यांसाठी काही ठिकाणी अर्धा-अर्धा तास फेस रिडिंग होत नाही. परिणामी अंगणवाडी सेविकांना मोठा मनस्ताप सहन करावा लागत आहे. सध्या त्यांना स्थानिक पातळीवर रेंजसह इतर तांत्रिक अडचणींचा सामना करून कर्तव्य बजावावे लागत आहे. सरकारने दिलेल्या मोबाईलमध्ये पोषण ट्रॅकर ॲप आहे, त्यात लोकेशननुसार माहिती भरावी लागते. ज्या केंद्रामध्ये अंगणवाडी कर्मचारी काम करतात, तेथील लोकेशन आधीच सेट केले आहे. त्या ठिकाणावर जाऊनच अंगणवाडी ॲप ओपन करावे लागते.
पोषण आहार वाटपात पारदर्शीपणा व गतीमानता आणण्यासाठी शासनाने एफआरएस प्रणाली लागू केली आहे. परंतु गतीमानता आणण्याऐवजी ती गती मंदावणारी ठरत आहे. बरेचदा रेंज तर नसतेच, सर्व्हरही डाऊन असतो, त्यामुळे ओटीपी लवकर येत नाही. कधी चेहरा जुळत नाही.अशा स्थितीत सेविकांना फेस रिडिंग घेण्यासाठी मोठी कसरत करावी लागत आहे. रेंजच्या अडचणीबाबत जिल्हा परिषदेच्या महिला व बालकल्याण विभागाने शासनाने कळवले आहे. परंतु, रेंजचा प्रश्न अद्याप सुटलेला नाही. याव्यतिरिक्त रजिस्टरवरही रेकॉर्ड ठेवावे लागत आहे. महिला व बालविकास प्रकल्प अधिकारी अमोल मेरगड यांनी दिलेल्या माहितीनुसार रेंजबाबत अडचणींचा अहवाल शासनाला पाठवला आहे. अगोदर प्रायोगीक तत्वावर एफआरएस वापरले जात होते. परंतु १ ऑगस्टपासून ही प्रणाली अनिवार्य केली आहे. सद्यस्थितीत तालुक्यात ९० टक्के फेसरिडिंगचे काम पूर्ण झाल्याचे सांगितले जाते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
