फॉरेक्स ट्रेडिंग या परदेशी चलनात गुंतवणुक केल्यास चांगल्याप्रकारे नफा मिळवून देण्याचे आमिषाने २६ वर्षीय तरुणीवर बलात्कार करणाऱ्या आरोपीला विमानतळ पोलिसांनी अटक केली आहे.
.
याबाबत पीडित तरुणीने विमानतळ पोलिस ठाण्यात आरोपी विरोधात फिर्याद दिली आहे. पीडितेने दिलेल्या फिर्यादीनुसार, शाहिद मुबारक तांबोळी (वय ३६, रा. मनीष पार्क, कौसरबाग, कोंढवा,पुणे) या आरोपी बलात्काराचा गुन्हा दाखल करण्यात आला आहे. त्याला अटक करण्यात आली आहे. पोलिसांनी दिलेल्या माहितीनुसार, आरोपी शाहिद तांबोळी आणि पीडित तरुणीची ऑक्टोबर २०२४ मध्ये ओळख झाली होती. त्या वेळी त्याने तरुणीला परदेशी चलनात फॉरेक्स ट्रेडिंग मध्ये गुंतवणुक करण्याचे आमिष दाखविले होते. परदेशी गुंतवणूक केल्यास चांगला परतावा मिळेल, असे सांगून त्याने तरुणीला जाळ्यात ओढले.
त्यानंतर त्याने तरुणीवर बळजबरीने बलात्कार केला. तसेच या प्रकाराची वाच्यता केल्यास आई आणि भावाला जिवे मारण्याची धमकी दिली, तसेच सोशल मीडियात आक्षेपार्ह छायाचित्रे प्रसारित करण्याची धमकी दिली. तांबोळीच्या धमकीमुळे घाबरलेल्या तरुणीने याबाबत विमानतळ पोलिस ठाण्यात तक्रार दिली आहे. तांबोळीविरुद्ध पोलिसांकडून गुन्हा दाखल करुन त्याला अटक करण्यात आली. पोलिस उपनिरीक्षक रवींद्र ढावरे पुढील तपास करत आहेत.
दुचाकीची डिकी उचकटून रक्कम चोरीस
मार्केटयार्ड परिसरात एका दुचाकीची डिकी उचकटून चोरट्यांनी एक लाख रुपयांची रोकड चोरु नेल्याची घटना मार्केट यार्ड भागात घडली. याबाबत एका तरुणाने मार्केट यार्ड पोलीस ठाण्यात फिर्याद दिली आहे. तक्रारदार तरुण कात्रज भागातील दत्तनगर परिसरात राहायला आहे. तरुण मार्केटयार्ड परिसरात कामानिमित्त आला होता. सातारा रस्त्यावरील उत्सव हॉटेल परिसरात त्याने दुचाकी लावली होती. चोरट्याने डिकी उचकटून एक लाख रुपयांची रोकड चोरुन नेली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
