महेंद्र मुधोळकर, (प्रतिनिधी) बीड : बीडमधील गुंडाराज काही संपण्याचं नाव घेत नाहीये. बीडमधील गुंडगिरीच्या रोज नवनवीन घटना समोर येत आहेत. बीडच्या वंजारवाडीमध्ये एका माजी सैनिकाच्या कुटुंबाला मारहाण करण्यात आली. वृक्षारोपणाच्या कार्यक्रमाला अनुपस्थित राहिल्याच्या रागातून निवृत्त सैनिकाच्या कुटुंबातील महिलांना अमानुष मारहाण करण्यात आली.
बीडमधील गुंडाराज कमी होण्या ऐवजी दिवसेंदिवस वाढताना पाहायला मिळतंय. मारहाणीच्या घटना तर बीडमध्ये रोजच्याच झालेत असं म्हटलं तर वावगं ठरणार नाही. आता पुन्हा एकदा बीडच्या वंजारवाडीत माजी सैनिकाच्या कुटुंबाला बेदम मारहाण करण्यात आलीय. वृक्षारोपणाच्या कार्यक्रमाला अनुपस्थित राहिल्याच्या रागातून निवृत्त सैनिकाच्या कुटुंबालीत महिलांना अमानुष मारहाणा करण्यात आली. या मारहाणीत 5 जणं गंभीर जखमी झालेत. गावात सुशोभीकरणासाठी वृक्षारोपणाचा कार्यक्रम आयोजीत करण्यात आला होता. निवृत्त सैनिक कुंडलिक तांदळे यांचे कुटुंब अनुपस्थित राहिले होते. याचाच राग मनात धरून माजी सरपंच वैजनाथ तांदळे आणि सहकाऱ्यांनी घरावर हल्ला करत कुटुंबाला अमानुष मारहाण केली. या प्रकरणात 7 जणांवर गुन्हा दाखल करण्यात आला.
दरम्यान सामाजिक कार्यकर्त्या अंजली दमानिया यांनीही बीडमधील गुंडाराज आता थांबलं पाहिजे, बीडला सुखाचे दिवस येऊ द्या असं आवाहन केलं आहे. या प्रकरणात माजी सैनिकाच्या कुटुंबाला मारहाण झाल्याप्रकणी आरोपींवर केवळ गुन्हे दाखल करण्यात आलेत. माजी सैनिकाच्या कुटुंबाला मारहाण करणाऱ्या माजी सरपंच वैजनात तांदळेला अद्याप अटक झालेली नाही. त्याच्या मुसक्या लवकरात लवकर आवळून सैनिका कुटुंबाला पोलिसांनी न्याय द्यावा हीच अपेक्षा व्यक्त करण्यात येत आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
