निफाड तालुक्यात मोठ्या प्रमाणात द्राक्षाचे उत्पादन घेतले जाते. त्यामुळे उगावमध्ये द्राक्षापासून बेदाणा निर्मितीचा व्यवसाय मोठ्या प्रमाणात सुरू असल्याने उगावची बेदाणा नगरी म्हणून एक वेगळी ओळख निर्माण झाली आहे.
.
नाशिक जिल्ह्यात द्राक्षबागांची सर्वात जास्त लागवड निफाड तालुक्यात आहे. निर्यातक्षम द्राक्षांना ज्याप्रमाणे मागणी आहे, त्याचप्रमाणे बेदाणा देखील येथील प्रसिद्ध आहे. एकट्या उगावमध्ये जवळपास ५० ते ६० व्यावसायिक बेदाणा निर्मितीचा उद्योग करतात. अनेक द्राक्ष बागायतदारांच्या घरी बेदाणा निर्मिती केली जाते. सातारा, सांगली भागातील बेदाणा खाण्यास ज्याप्रमाणे चविष्ट असतो, तशीच चव उगाव येथे तयार होणाऱ्या बेदाण्याची असल्याचे येथील शेतकरी आवर्जून सांगतात. गृह उद्योगातून अनेक महिला या बेदाणा निर्मितीत मोठ्या प्रमाणात सरसावल्या आहेत. उगाव येथे बेदाणा निर्मिती सुरू झाल्याने अनेक महिला तसेच मजुरांना या माध्यमातून रोजगार निर्माण झालेला आहे. पिवळा सल्फर बेदाणा, नैसर्गिक काळा बेदाणा आणि घरगुती वाळवून तयार केलेला चॉकलेटी बेदाणा अशा तीन प्रकारचे बेदाणे उगावमध्ये तयार होतात. याबेदाण्यांना अरब देशांमध्ये मोठ्या प्रमाणात मागणी असून दुबई आणि इंडोनेशिया या दोन देशांना जास्त प्रमाणात बेदाणा निर्यात केला जातो. सल्फर पिवळा बेदाणा १५० ते २०० रुपये किलो, नैसर्गिक काळा बेदाणा १५० पासून ३५० रुपये किलो पर्यंत विक्री होतो. घरगुती चॉकलेटी बेदाणा ६० ते ७० रुपये किलोने विक्री केला जातो. द्राक्ष उत्पादनाचे मुख्य ठिकाण असलेले उगाव येथे मोठ्या संख्येने व्यापारी वर्ग असल्याने जवळपास २० कोटी ंची वार्षिक उलाढाल एकट्या बेदाणा व्यवसायातून केली जात असल्याने बेदाण्याचे माहेरघर म्हणून उगावची एक वेगळी ओळख आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
