भंडारा आयुध निर्माणीत भीषण स्फोट: घटनेतील 9 कर्मचाऱ्यांचा मृत्यू, पाच जखमींपैकी 1 ठार – Nagpur News

.

या स्फोट प्रकरणात पाच जण गंभीर जखमी होते. या पाच कामगारांवर नागपूर येथील विविध रुग्णालयात उपचार सुरू होते. त्यातील ३ कर्मचाऱ्यांची प्रकृती बरी झालेल्याने त्यांना सुट्टी देण्यात आली. उर्वरित दोन कर्मचाऱ्यांचे नागपूर येथे उपचार सुरू होते. यात जयदीप बॅनर्जी यांचा नागपूर येथील खाजगी केअर रुग्णालय येथे उपचार सुरू असताना आज दिनांक २८ फेब्रुवारी च्या दुपारी १२.१५ वाजता उपचारा दरम्यान निधन झाल्याने. या घटनेची माहिती मिळताच कर्मचाऱ्यांत शोककळा पसरली.

२४ जानेवारीच्या स्फोट घटनेत चंद्रशेखर गोस्वामी (५९ वर्षे), मनोज मेश्राम (५५ वर्षे), अजय नागदेवे (५१ वर्षे), अंकित बारई (२० वर्षे), लक्ष्मण केळवदे (३८ वर्षे), अभिषेक चौरसिया (३५ वर्षे) आणि धर्मा रंगारी (३५ वर्ष) असे स्फोटात मृत्यू झालेल्या आठ कामगारांची नावे होते. त्यात जयदीप बॅनर्जी (२२ वर्षे), यांचा समावेश झाल्याने आतापर्यंत मृतकांचा आकडा ९ वर पोहचला गेला आहे. जखमींत तर एन. पी. वंजारी (५५ वर्षे), संजय राऊत (५१ वर्ष), राजेश बडवाईक (३३ वर्षे), सुनीलकुमार यादव (२४ वर्षे) व अशी जखमी कामगारांची नावे आहेत. भंडारा शहराच्या दक्षिणेला साधारणतः १५ किलोमीटर अंतरावर जवाहरनगरजवळ भंडारा आयुधनिर्माणी आहे.

या आयुधनिर्माणीत अतिउच्च दर्जाच्या बारूद आणि स्फोटकांची निर्मिती, साठवणूक केली जाते. त्यासाठी वेगवेगळे विभाग आणि वेगवेगळ्या इमारती आहेत. यातीलच लो टेंपरेचर प्लास्टिक एक्सप्लोसिव्ह (एलटीपीई) च्या इमारतीत बारूदचे गोळे बनविण्याचे काम सुरू असताना सकाळी १०.३५ वाजताच्या सुमारास स्फोट झाल्याचे कळताच आयुधनिर्माणीत काम करणाऱ्या कर्मबाऱ्यांच्या नातेवाइकांनी आयुधनिर्माणी तसेच बाजूच्या रुग्णालयासमोर प्रचंड गर्दी केली होती.