भंडारा जिल्ह्यात मोठी राजकीय भूकंप झाला असून अशातच शनिवारी युवा सेनेच्या सेनापतीने भात्यातले बाण दूर सारत खांद्यावरील धनुष्याला खाली ठेऊन हातात कमळ घेतल्याने अनेकांच्या भूवया उंचावल्या आहेत. युवा सेना शिंदे गटाचे नेते जॅकी रावलानी यांनी भगवान बावनकर
.
दरम्यान, भंडारा पवनी विधानसभा क्षेत्राचे शिंदेसेनेचे आमदार नरेंद्र भोंडेकर यांच्या आतापर्यंत झालेल्या सर्वच निवडणुकांमध्ये जॅकी रावलानी यांची भूमिका महत्त्वाची राहिल्याचे राजकीय पंडितांकडून बोलल्या जाते. विशेष म्हणजे, रावलानी हे आ. भोंडेकर यांचे खंदे समर्थक मानले जात होते. तसेच विधानसभा निवडणुकीत रावलानी हेच भोंडेकरांचे रणनीतीकार होते, असेही बोलले जात होते. सेनेत रावलानी यांचे काम पाहून त्यांना भंडारा लोकसभेचे युवा सेना अध्यक्ष म्हणून जबाबदारी सोपविण्यात आली होती. मात्र, त्यांच्या अचानक भाजप प्रवेशामुळे भोंडेकरांच्या गटाला मोठा राजकीय धक्का बसला आहे.
मनभेद की मतभेद?
गेल्या काही दिवसांपासून राजकीय वर्तुळात रावलानी आणि भोंडेकर यांच्यात मतभेद निर्माण झाल्याच्या अफवा पसरत आहेत. सूत्रांच्या माहितीनुसार, भोंडेकर यांच्या काही निर्णयांवर आणि स्थानिक कार्यशैलीवर नाराजी असल्याने रावलानी यांनी हे पाऊल उचलले, असल्याची चर्चा आहे. त्यामुळे मनभेद की मतभेद? यावरूनही खमंग चर्चा जिल्ह्यात रंगू लागल्या आहेत. दरम्यान, नगर परिषद निवडणुकीच्या आरक्षणानंतर या मैत्रीत वितुष्ट आल्याची चर्चा होती. तसेच मागील काही दिवसात रावलानी यांनी काही वरिष्ठ नेत्यांच्या भेटीही घेतल्याचे चर्चा होत्या.
नवीन राजकीय समीकरणांची शक्यता
भंडारा जिल्ह्याच्या राजकारणातील या प्रवेशामुळे भविष्यात नवीन समीकरणे निर्माण होऊ शकतात. हे शिंदे गटासाठी नुकसान मानले जात असले तरी, भाजप याला त्यांचे संघटन विस्तारण्याची संधी म्हणून पाहते. आम्हाला पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली काम करायचे आहे, असे रावलानी यांनी म्हटले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
