Realme 14T 5G: कमी किंमतीत दर्जेदार फोन शोधत असाल तर तुमच्यासाठी एक आनंदाची बातमी आहे. Realme 14T 5G शुक्रवारी भारतात लाँच झालाय. या स्मार्टफोनमध्ये 6,000mAh बॅटरीसह 45W वायर्ड फास्ट चार्जिंग सपोर्ट देण्यात आलाय. यात 50-मेगापिक्सेल ड्युअल रिअर कॅमेरा युनिट देखील आहे. तसेच याच ऑक्टा-कोर मीडियाटेक डायमेन्सिटी 6300 प्रोसेसर देण्यात आलाय. यात तुम्हाला 8GB रॅम मिळणार आहे.
Realme 14T 5G मध्ये 256GB पर्यंत इनबिल्ट स्टोरेज आहे. यात या सेगमेंटमधील सर्वात ब्राइट AMOLED डिस्प्ले असल्याचा दावा करण्यात आलाय. जो 2,100 nits पर्यंत पीक ब्राइटनेस देतो. हँडसेटला धूळ आणि पाण्याच्या प्रतिकारासाठी IP66+IP68+IP69 रेटिंग आहेत.
डिस्प्ले आणि कॅमेरा
Realme 14T 5G मध्ये 6.67-इंच फुल-एचडी+ (1,080×2,400 पिक्सेल) AMOLED स्क्रीन आहे जी 120Hz रिफ्रेश रेट, 2,100 निट्स पर्यंत पीक ब्राइटनेस, 180Hz पर्यंत टच सॅम्पलिंग रेट, 92.7 टक्के स्क्रीन-टू-बॉडी रेशो, 20:9 आस्पेक्ट रेशो, 111 टक्के DCI-P3 वाइड कलर गॅमट आणि रात्रीच्या वेळी डोळ्यांचा ताण कमी करण्यासाठी TÜV रेनलँड देण्यात आले आहे. या फोनमध्ये 6nm ऑक्टा-कोर मीडियाटेक डायमेन्सिटी 6300 प्रोसेसर देण्यात आलंय. ज्यामध्ये 8GB पर्यंत LPDDR4X रॅम आणि 256GB पर्यंत ऑनबोर्ड स्टोरेज आहे. हा फोन अँड्रॉइड 15-आधारित Realme UI 6 वर चालतो.फोटोग्राफीसाठी, Realme 14T 5G मध्ये f/1.8 अपर्चरसह 50-मेगापिक्सेलचा प्राथमिक कॅमेरा आणि f/2.4 अपर्चरसह 2-मेगापिक्सेल डेप्थ सेन्सर आहे. समोर, f/2.4 अपर्चरसह 16-मेगापिक्सेलचा सेल्फी कॅमेरा आहे. हँडसेट लाइव्ह फोटो फीचर तसेच AI-बॅक्ड इमेजिंग टूल्सना सपोर्ट करतो.
बॅटरी आणि कनेक्टिव्हीटी
कोणताही फोन घेताना सर्वात आधी आपण बॅटरी पाहतो. कारण बॅटरी डाऊन ही मोठ्या फोनमध्ये आढळणारी बाब असते. Realme 14T 5G हँडसेटमध्ये तुम्हाला 6,000mAh बॅटरी मिळणार आहे. जी 45W SuperVOOC चार्जिंगला सपोर्ट करते. हँडसेटमध्ये इन-डिस्प्ले फिंगरप्रिंट सेन्सर आहे. धूळ आणि पाण्याच्या प्रतिकारासाठी त्याचे रेटिंग IP69 पर्यंत आहे. मोबाईल घेतावेळी कनेक्टीव्हीटी पाहणेदेखील आवश्यक असते. कनेक्टिव्हिटी पर्यायांमध्ये 5जी, 4जी, वाय-फाय 5, ब्लूटूथ 5.3, जीपीएस आणि यूएसबी टाइप-सी पोर्ट यांचा समावेश आहे. फोनची जाडी 7.97 मिमी आणि वजन 196 ग्रॅम इतके आहे.
Realme 14T 5G ची भारतातील किंमत
Realme 14T 5G ची भारतातील किंमत 8GB + 128GB साठी 17 हजार 999 रुपयांपासून सुरू होते. तर 8GB + 256GB कॉन्फिगरेशनची किंमत 19 हजार 999 रुपये आहे. हा हँडसेट लाइटनिंग पर्पल, ऑब्सिडियन ब्लॅक आणि सर्फ ग्रीन रंगांच्या पर्यायांमध्ये उपलब्ध आहे. तुम्हाला हा स्मार्टफोन घ्यायचा असेल तर फ्लिपकार्ट आणि Realme इंडिया ई-स्टोअर विक्रीसाठी उपलब्ध असेल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
