भारतीय लष्कराच्या दक्षिणी कमांड मिलिटरी इंटेलिजन्स पुणे आणि पुणे शहरातील खराडी पोलिस ठाण्याच्या संयुक्त कारवाईत भारतीय हवाई दलाच्या जवानाच्या वेशात सोशल मीडियावर वावरून फसवणूक करणाऱ्या एका व्यक्तीला अटक करण्यात आली आहे. आरोपी गौरव दिनेश कुमार ( वय 25
.
हवाई दलाच्या वेशात त्याने सोशल मीडियावर टाकलेल्या फोटोच्या अनुषंगाने त्याच्याकडे चौकशी केली असता, त्याने एक वर्षांपूर्वी हवाई दलाचा गणवेश जाळून टाकल्याची कबुली दिली आहे. पोलिस हवालदार रामदास पालवे यांनी आरोपी विरोधात फिर्याद दाखल केली आहे.
पुणे पोलिसांच्या माहितीनुसार, गौरव कुमार याच्या भारतीय हवाई दलाच्या वेशातील संशयास्पद हालचालींबाबत गोपनीय माहिती लष्कराच्या गुप्तचर खात्यास मिळाल्यानंतर त्याच्यावर देखरेख ठेवण्यात आली. सोशल मीडियात आपण हवाई दलाचे अधिकारी असल्याचे भासवून तो सामान्य नागरिकांची दिशाभूल करत असल्याचे निष्पन्न झाले आहे.सखोल पडताळणी आणि निगराणीच्या प्रक्रियेनंतर, दक्षिणी कमांड मिलिटरी इंटेलिजन्स पुणे आणि खराडी पोलिस ठाण्याच्या संयुक्त पथकाने पुणे शहरातील खराडी परिसरात आरोपीला ताब्यात घेतले.
शोध मोहिमेदरम्यान, आरोपीकडून फसवणुकीसाठी वापरले गेलेले काही साहित्य जप्त करण्यात आले, ज्यामध्ये दोन हवाई दलाचे टी-शर्ट, एक हवाई दलाचा कॉम्बॅट पँट, एक जोडी हवाई दलाचे कॉम्बॅट शूज, दोन हवाई दलाचे बॅजेस, एक ट्रॅक सूट अप्पर समाविष्ट आहे, अशी माहिती पुणे पोलिसांनी दिली.
पुणे पोलिसांनी आरोपीवर भारतीय दंड संहिताच्या कलम 168 अंतर्गत खराडी पोलिस ठाण्यात आरोपीवर गुन्हा दाखल केला आहे. सध्या आरोपीचा चौकशी सुरू असून, त्याच्या कृत्यामागील हेतू आणि संभाव्य सुरक्षेशी संबंधित परिणाम तपासले जात आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
