नागपूर महानगरपालिकातर्फे नागरिकांमध्ये वाचनाची आवड निर्माण करण्याबरोबर शहरातील विद्यार्थ्यांना शालेय अभ्यासक्रमांसह विविध स्पर्धा परीक्षांची तयारी करता यावी याकरीता ई-ग्रंथालय, वाचनालय आणि अध्ययन कक्ष चालविले जात आहे. त्याचा फायदा घेत विद्यार्थ्यांनी
.
मनपाच्या वाचनालयातून अभ्यास करून दरवर्षी 150वर विद्यार्थ्यांची निवड ही सरकारी नोकरीत होत आहे. त्यामुळे महापालिकेतर्फे भविष्यातील गरज आणि परीक्षेतील बदले स्वरुप लक्षात घेता अभ्यासिकांची संख्या वाढविण्याबरोबर सुविधा वाढविण्यावर भर दिला गेला आहे.गेल्या 50 वर्षात महापालिकने वाचक वर्ग आणि शालेय विद्यार्थ्यांपासून ते बँक, रेल्वे, एसएससी, एमपीएससी राज्यसेवा, वनसेवा पीएसआय आणि यूपीएससीची नागरी सेवा, वनसेवा, अभियांत्रिकी सेवा आणि विविध स्पर्धा परीक्षांची व्याप्ती लक्षात घेता शहरातील झोन नुसार ई- ग्रंथालय, वाचनालय आणि अध्ययन कक्ष तयार केले आहे.
यात काही वाचनालयाची हळूहळू भर पडत आहे.महापालिकेतर्फे भविष्यातील विचार करून विविध स्पर्धा परीक्षांची तयारी करणाऱ्या विद्यार्थ्यांची मागणी लक्षात घेऊन स्पर्धा परीक्षांसाठी लागणारे मासिके, चालू घडामोडीची तयारी करण्याकरीता वृत्तपत्र, विविध स्पर्धा परीक्षा आणि प्रवेश परीक्षांसाठी लागणारे पुस्तके, महाविद्यालयीन विद्यार्थ्यांकरीता आवश्यक ग्रंथ, सामान्य वाचकांकरीता कविता, कथा, कादंबरी, नाटक, विविध संदर्भ ग्रंथ विविध ग्रंथालय आणि वाचनालयात उपलब्ध करून दिले आहे.
स्पर्धा परीक्षांचे स्वरुप ऑनलाईन झाले असल्याने शहरातील विद्यार्थ्यांना कमी खर्चात तयारी करता यावी करीता ई-लायब्ररी सुद्धा तयार केली आहे. या ई-ग्रंथालयाच्या माध्यमातून विद्यार्थ्यांना ऑनलाईनरित्या विविध परीक्षांचा सराव सुद्धा करता येत आहे. ग्रामीण भागातूनही स्पर्धा परीक्षांची तयार करण्याकरीता विद्यार्थी नागपूर शहरात येत असून मनपाच्या ग्रंथालयाचा लाभ मोठ्या प्रमाणात लाभ घेत आहेत. याशिवाय विविध वैद्यकीय, अभियांत्रिकी, विधी व केंद्रीय विद्यापीठाच्या यूजी-पीजी प्रवेश परीक्षांसाठी तयारी करणारे विद्यार्थी ई-ग्रंथालय, वाचनालय आणि अध्ययन कक्षाचा लाभ घेत आहेत.
मनपाची 113 ग्रंथालये व अध्ययन कक्षनागपूर महानगरपालिकेतर्फे 9 ई-ग्रंथालये चालविलेत जात आहेत. यामध्ये स्मार्ट सिटी ई-लायब्ररी 3, मनपा कर्मचारीद्वारा संचालित 4 आणि स्वयंसेवी संस्था/महिला बचत गटाद्वारा संचालित 2 आहेत.
याशिवाय शहरात एकून 29 वाचनालये आहेत यामध्ये 13 मनपा कर्मचाऱ्याद्वारा संचालित तर 16 संस्था/महिला बचत गटद्वारा संचालित आहे. याचबरोबर 75 अध्ययन कक्ष आहे. यातील 8 अध्ययन कक्ष मनपा कर्मचारीद्वारा संचालित तर 67 अध्यययन कक्ष संस्था/महिला बचत गटद्वारा संचालित आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
