अकोला-नांदेड महामार्गावरील तोंडगाव टोल प्लाझावर मनसे कार्यकर्त्यांनी सोमवारी (दि. ८ जुलै) दुपारी दोनच्या सुमारास जोरदार आंदोलन करत टोल बूथवर तोडफोड केली. अपूर्ण रस्त्यावर टोल वसूल केला जात असल्याच्या निषेधार्थ हे आंदोलन करण्यात आले. या घटनेमुळे परिसर
.
मनसेच्या वाशिम जिल्हाध्यक्ष राजू पाटील यांच्या मार्गदर्शनाखाली हे आंदोलन पार पडले. गेल्या तीन वर्षांपासून मनसेकडून संबंधित टोल नाक्याविरोधात प्रशासनाशी पत्रव्यवहार केला जात होता. मात्र, नागरिकांना मूलभूत सुविधा न देता टोल वसूल केला जात असल्याने कार्यकर्त्यांचा रोष शिगेला पोहोचला.
मनसे कार्यकर्ते गजानन वैरागडे, उमेश टोलमारे यांनी टोल फोडत आपला संताप व्यक्त केला. कनेरगावपर्यंतचा रस्ता अद्याप पूर्ण न झाल्याने प्रवाशांना मोठा त्रास सहन करावा लागत आहे. अपूर्ण रस्ता, प्रकाश व्यवस्था, शौचालय व पिण्याच्या पाण्याची गैरसोय असतानाही नागरिकांकडून टोल घेतला जात असल्याचा आरोप कार्यकर्त्यांनी केला.
टोल वसुली थांबवावी आणि नागरिकांसाठी तातडीने सुविधा उपलब्ध कराव्यात, अशी मागणी मनसेने केली आहे. प्रशासनाने याकडे गांभीर्याने लक्ष न दिल्यास आंदोलन अधिक तीव्र करण्याचा इशाराही देण्यात आला आहे.
कार्यकर्त्यांनी आपला रोष व्यक्त केला
मागील 3 वर्षापासून मनसेचा शासनाला पत्रव्यवहार सुरू आहे. तरी आजपर्यंत या टोल नाक्यावर नागरिकांसाठी कुठल्याही आवश्यक सुविधांची सोय करण्यात आलेली नसल्यामुळे आज रोजी मनसे कार्यकर्ते गजानन वैरागडे, उमेश टोलमारे, यांनी टोल फोडत रोष व्यक्त केला. आमच्या पत्रांना दाद दिली नाही किंवा आमच्या मागण्यांकडे दुर्लक्ष केले तर यापुढेही अशाप्रकारे रोष व्यक्त केला जाईल, अशी प्रतिक्रिया मनसेचे जिल्हाध्यक्ष राजू पाटील किस्से यांनी दिली. तसेच त्यांनी गजानन वैरागडे आणि उमेश टोलमारे यांच्या कृतीचे स्वागत केले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
