महाराष्ट्रात सध्या हनीट्रॅपचा मुद्दा चांगलाच गाजत आहे. विरोधकांनी या विषयावरून सरकारची चांगलीच कोंडी करण्याचा प्रयत्न सुरू केला आहे. पावसाळी अधिवेशनात देखील हा मुद्दा उपस्थित करण्यात आला होता, परंतु यावेळी मुख्यमंत्री देवेंद्र फडणवीस यांनी हनी नाही आ
.
संजय राऊत यांनी पोस्ट केलेल्या व्हिडिओमध्ये प्रफुल लोढा म्हणतात, मी 2 तारखेला जामनेर पोलिस स्टेशन, एसपी ऑफिस आणि मुख्यमंत्र्यांना निवेदन दिले आहे, माझे स्वतःच्या स्वसंरक्षणासाठी. कारण जामनेर तालुक्यातील ही जी विकृती आहे, यांचे बरेच पुरावे माझ्याकडे आहेत व त्यामुळेच माझ्या जीवाला धोका आहे. मला 31 जुलै (2024) रोजी स्वतःला बालब्रह्मचारी म्हणवणारे रामेश्वर नाईक यांनी व्हॉट्सअप कॉल करून जीवे मारण्याची धमकी दिली असल्याची माहिती प्रफुल लोढा यांनी दिली आहे. तसेच यावेळी त्यांनी त्यांच्या मोबाइलवर आलेले कॉल पण दाखवला.
पुढे बोलताना प्रफुल लोढा म्हणाले, गिरीश महाजन यांनी म्हटले आहे की जर काही पुरावे असतील तर त्यांनी पोलिस स्टेशनला द्यावे. मला पुरावे पोलिस स्टेशनमध्ये देण्याची गरज नाही. मला फक्त एक बटन दाबण्याचे काम आहे. परंतु, मी एक मनुष्य आहे आणि कोणाला वहिनी म्हटले आहे, कोणाला आई म्हटले आहे, कोणाला मुलगी म्हटले आहे. त्याची मर्यादा पाळून मी अजून चूप आहे. परंतु, ज्या दिवशी यांचे शंभर पाप पूर्ण होतील, मला त्या दिवशी आपल्या सगळ्यांची गरज लागणार नाही, असे प्रफुल लोढा यांनी यात म्हटले आहे.
प्रफुल लोढा, गिरीश महाजन आणि रामेश्वर नाईक यांचा संबंध काय?
प्रफुल्ल लोढा हा व्यक्ती भाजपचे मंत्री गिरीश महाजन यांचा कार्यकर्ता होता. त्याच्याविरोधात अंधेरी व साकिनाका या 2 ठिकाणी गुन्हे दाखल आहेत. एक गुन्हा हा दोन अल्पवयीन मुलींवर बलात्कार करणे, त्यांना छळणे, ब्लॅकमेल करण्याचा आहे. तर दुसरा गुन्हा हा हनीट्रॅपचा आहे. प्रफुल्ल लोढा हा पूर्वी एक सामान्य कार्यकर्ता होता. अगोदर तो काँग्रेसमध्ये होता. नंतर तो राष्ट्रवादी काँग्रेसमध्ये गेला. नंतर त्याने भाजपत प्रवेश केला. त्याच्या प्रवेश सोहळ्याला स्वतः मुख्यमंत्री देवेंद्र फडणवीस व मुख्यमंत्री कार्यालयाचे रामेश्वर नाईकही उपस्थित होते. प्रफुल्ल लोढा, गिरीश महाजन व रामेश्वर नाईक या तिघांचे पूर्वी खूप चांगले संबंध होते. पण गतवर्षी लोढाने रामेश्वर नाईक व गिरीश महाजन यांच्याविरोधात एक तक्रार दाखल केली. त्यांचे चांगले संबंध खराब झाले.
शिकाऱ्याचीच शिकार करणारा हनीट्रॅप- रोहित पवार
हनीट्रॅपच्या प्रकरणावर बोलताना ना हनी ना ट्रॅप… असे स्पष्टीकरण मुख्यमंत्री महोदयांनी दिले असले तरी जामनेरच्या प्रफुल लोढाला झालेली अटक आणि त्याच्याकडील लॅपटॉप, पेन ड्राईव्ह जप्त केल्याच्या बातम्या गुंतागुंत वाढवणाऱ्या आहेत. तरीही सरकार यावर पांघरूण घालण्याचा प्रयत्न का करतंय? प्रफुल लोढाचा भूतकाळ वर्तमानातल्या कुणाच्या भविष्यावर गदा आणणार आहे का? असा सवाल रोहित पवार यांनी उपस्थित केला आहे. तसेच उच्चपदस्थ सरकारी अधिकारी आणि नेत्यांना ब्लॅकमेल करणाऱ्या हनीट्रॅपच्या काळ्या अध्यायाचा सरकारला खुलासा करावाच लागेल, असे त्यांनी ट्विट करत म्हटले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
