Maharashtra Weather Alert : महाराष्ट्राच्या हवामानात सध्या अत्यंत भयानक बदल पहायला मिळत आहेत. वादळ, वारा, पाऊस, गारपीट, उन्हाचा तडाखा असं चित्र विचित्र वातावरण झाले आहे. मुंबईत मुसळधार पावसाचा इशारा देण्यात आला आहे. हवामान खात्याने विजांचा कडकडाटासह पावसाचा इशारा दिला आहे. 30 ते 40 किलोमीटर प्रतितास वेगाने वारे वाहणार आहेत. ठाणे आणि पालघरमध्ये अवकाळी पावसाची शक्यता वर्तवण्यात आली आहे.
आज दुपारच्या सुमारास ठाण्यामध्ये हवामानामध्ये अचानक बदल पहायला मिळाले. हवेमध्ये मोठ्या प्रमाणात धुळीचे कण उडाले. तसेच सोसाट्याच्या वारा सुटला. एक ते दोन दिवसांपासून ठाणे शहरात सर्वत्र धुरकट वाचावरण होते. बदलत्या हवामानाच्या बदलामुळे उंच मजल्याच्या इमारती धुळीमुळे दिसेनाशा झाल्या. मुंबईतही असेच वातावरण पहायला मिळाले. कल्याण डोंबिवली परिसरामध्ये वादळी वा-यासह अवकाळी पाऊस झाला. अचानक झालेल्या पावसामुळे नागरिकांची तारांबळ उडाली. तसेच उकाड्याने हैराण झालेल्या नागरिकांना पावसामुळे दिलासा मिळाला.
कल्याण डोंबिवली परिसरामध्ये सकाळपासूनच उन्हाचे चटके जाणवत होते. तर अचानक वादळी वाऱ्यासह रिमझिम पावसाला सुरुवात झाल्याने नागरिकांची तारांबळ उडाली. काही दिवसापासून अनेक जिल्ह्यांमध्ये अवकाळी पावसामध्ये शेतीची नुकसान झाले होते. त्याचप्रमाणे रायगड , ठाणे पालघर जिल्ह्यामध्ये देखील पावसाचा अंदाज वर्तवला होता काही वेळ पाऊस पडल्याने उकाड्याने हैराण झालेल्या नागरिकांना काहीसा दिलासा मिळालेला आहे. मुंबई-पुणे एक्सप्रेस हायवेवर मुसळधार पाऊस पडला. मुंबई-पुणे एक्सप्रेस हायवेवर वादळी वा-यासह धुंवाधार पाऊस पडला. एक्सप्रेस हायवेवर दृष्यमानता घटली.
मावळमध्ये देखील अवकाळी पावसाने हजेरी लावलीये. मागील काही दिवसापासुन उन्हाचा तडाखा आणि उष्णता जाणवत होती. उकाड्याने नागरिक हैराण झाले होते. मात्र आज पावसाने हजेरी लावल्यानंतर वातावरणात गारवा निर्माण झाला. अवकाळी पावसाने नागरिकांना गरमी पासून जरी दिलासा मिळाला असला तरी शेतीपिकांचं मात्र मोठ्या प्रमाणात नुकसान झालंय..
वाशिम जिल्ह्यात चौथ्या दिवशी ही वादळी वाऱ्यासह अवकाळी पाऊस झाल्यानं काढणीस आलेली हळद, कांदा बीज आणि गहू पिकांचे मोठं नुकसान झालं. या पीक नुकसानीमुळे शेतक-यांचे कंबरडं मोडलं असून राज्य सरकारनं नुकसान भरपाई देण्याची मागणी शेतकऱ्यांकडून होतेय. तसंच हळद पिकाला विमा संरक्षणही द्यावं अशी मागणी नुकसानग्रस्त शेतकऱ्यांनी केली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
