Maharashtra Weather News : राज्यात पुन्हा एकदा पावसाने जोर धरला असून हवामान विभागाने आज 13 ऑगस्ट आणि 14 ऑगस्टला राज्यात मुसळधार पावसाचा इशारा दिला आहे. कोकण, विदर्भ आणि मध्य महाराष्ट्रातील काही जिल्ह्यांमध्ये अति मुसळधार पावसाचा इशारा दिला आहे. बंगालच्या उपसागरात कमी दाबाचा पट्टा निर्माण होत असल्याने पावसाने पुन्हा एकदा जोर धरला आहे. त्यामुळे आज या भागातील लोकांनी कामाशिवाय घराबाहेर पडू नये, असं आवाहन प्रशासनाकडून करण्यात आलं आहे. (maharashtra weather news imd 13 august heavy rain alert in vidarbha and Konkan rain in mumbai and pune )
कोणत्या जिल्ह्यांना देण्यात आला अलर्ट?
हवामान विभागाकडून काही जिल्ह्यांसाठी ऑरेंज आणि यलो अलर्ट जारी करण्यात आला आहे. विदर्भातील गडचिरोली आणि यवतमाळमध्ये 13 आणि 14 ऑगस्ट रोजी मुसळधार पावसाचा इशारा दिला आहे. तर कोकणातील रत्नागिरी, सिंधुदुर्ग आणि रायगड जिल्ह्यांमध्येही अति मुसळधार पावसाची शक्यता वर्तविण्यात आली आहे. मध्य महाराष्ट्रातील पुणे, सातारा आणि सांगली या जिल्ह्यांमध्ये मध्यम ते मुसळधार पावसाची शक्यता आहे. मराठवाड्यातील धाराशिव, लातूर आणि नांदेड या जिल्ह्यांनाही यलो अलर्ट घोषित करण्यात आला आहे.
मुंबई आणि पुण्यात कसं असेल वातावरण?
मुंबई आणि उपनगरांमध्ये 13 ऑगस्ट रोजी मेघगर्जनेसह मुसळधार पावसाचा इशारा देण्यात आला आहे. कमाल तापमान 32 अंश सेल्सिअस आणि किमान तापमान 26 अंश सेल्सिअस असणार आहे. तर पुण्यात मात्र हलका ते मध्यम पाऊस पडण्याची शक्यता वर्तविण्यात आली आहे.
देशात अनेक ठिकाणी मुसळधार पावसाचा इशारा
गेल्या २४ तासांत, अंदमान आणि निकोबार बेटे, हिमाचल प्रदेश आणि उत्तराखंडमध्ये मध्यम ते मुसळधार पाऊस पडला. उत्तर हरियाणा, पश्चिम उत्तर प्रदेश, तेलंगणा आणि किनारी आंध्र प्रदेशात काही ठिकाणी मुसळधार पाऊस पडला. झारखंड आणि उत्तर मध्य प्रदेशात काही ठिकाणी मुसळधार पाऊस पडला.
FAQ
1. राज्यात कोणत्या जिल्ह्यांना पावसाचा इशारा देण्यात आला आहे?
विदर्भ: गडचिरोली आणि यवतमाळ येथे 13 आणि 14 ऑगस्ट रोजी मुसळधार पावसाचा इशारा.
कोकण: रत्नागिरी, सिंधुदुर्ग आणि रायगड येथे अति मुसळधार पावसाची शक्यता.
मध्य महाराष्ट्र: पुणे, सातारा आणि सांगली येथे मध्यम ते मुसळधार पाऊस.
मराठवाडा: धाराशिव, लातूर आणि नांदेड येथे यलो अलर्ट जारी.
2. हवामान विभागाने कोणते अलर्ट जारी केले आहेत?
काही जिल्ह्यांसाठी ऑरेंज आणि यलो अलर्ट जारी करण्यात आले आहेत. ऑरेंज अलर्ट मुसळधार ते अति मुसळधार पावसासाठी, तर यलो अलर्ट मध्यम ते मुसळधार पावसासाठी आहे.
3. मुंबईत 13 ऑगस्ट रोजी हवामान कसे असेल?
मुंबई आणि उपनगरांमध्ये मेघगर्जनेसह मुसळधार पावसाचा इशारा आहे. कमाल तापमान 32 अंश सेल्सिअस आणि किमान तापमान 26 अंश सेल्सिअस राहील.
4. पुण्यात पावसाची परिस्थिती कशी असेल?
पुण्यात 13 ऑगस्ट रोजी हलका ते मध्यम पाऊस पडण्याची शक्यता आहे.
5. पावसाचे कारण काय आहे?
बंगालच्या उपसागरात कमी दाबाचा पट्टा निर्माण झाल्याने पावसाने पुन्हा जोर धरला आहे.
6. प्रशासनाने काय आवाहन केले आहे?
कोकण, विदर्भ आणि मध्य महाराष्ट्रातील लोकांनी कामाशिवाय घराबाहेर पडू नये, असे प्रशासनाने आवाहन केले आहे.
7. देशातील इतर कोणत्या भागात मुसळधार पावसाचा इशारा आहे?
गेल्या 24 तासांत अंदमान आणि निकोबार बेटे, हिमाचल प्रदेश, उत्तराखंड, उत्तर हरियाणा, पश्चिम उत्तर प्रदेश, तेलंगणा, किनारी आंध्र प्रदेश, झारखंड आणि उत्तर मध्य प्रदेशात काही ठिकाणी मुसळधार पाऊस पडला आहे.
8. हवामान विभागाच्या इशाऱ्याचा कालावधी काय आहे?
हवामान विभागाने 13 आणि 14 ऑगस्ट 2025 साठी हा इशारा जारी केला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
