मुंबई : डॉ. नरेंद्र दाभोलकर यांच्या महाराष्ट्र अंधश्रद्धा निर्मूलन समितीला नक्षलवादी संघटना म्हणून जाहीर करा, अशी मागणी सनातन संस्थेचे अभय वर्तक यांनी केलीये. दाभोलकर हत्या प्रकरणात निर्दोष सुटलेले विक्रम भावे यांच्या ‘दाभोलकर हत्या आणि मी’ या पुस्तकाच्या कार्यक्रमात बोलतांना त्यांनी ही मागणी केलीये. अंनिस संघटनेवर प्रशासक नेमण्याचा यावा, तसेच अंनिसला परदेशातून फंडिंग होत असल्याचा गंभीर आरोप वर्तक यांनी केलाय. त्यावरून नवा वाद निर्माण होण्याची शक्यता आहे.
अंधश्रद्धा निर्मुलन समिती अर्थात अंनिस गेल्या अनेक वर्षांपासून अंधश्रद्धेविरोधात काम करते. मात्र या अंनिसलाच नक्षलवादी संघटना म्हणून जाहीर करा, अशी मागणी सनातन संस्थेचे अभय वर्तक यांनी केलीय. दाभोलकर हत्या प्रकरणात निर्दोष सुटलेले विक्रम भावे यांच्या ‘दाभोलकर हत्या आणि मी’ या पुस्तकाच्या कार्यक्रमात बोलताना वर्तक यांनी हे वक्तव्य केलंय. अंनिस संघटनेवर प्रशासक नेमण्याची मागणीही वर्तक यांनी केलीये. तसंच अंनिसला परदेशातून फंडिंग होत असल्याचा आरोप वर्तक यांनी केलाय.
अभय वर्तक यांच्या या वक्तव्यावरून नवा वाद उफाळण्याची शक्यता आहे. गल्लीपासून दिल्लीपर्यंत भाजपची सत्ता आहे. त्यामुळं कुणी चुकीचं कृत्य करत असेल तर पुरावे देऊन कारवाई करा, असा सल्ला काँग्रेस नेते विजय वडेट्टीवार यांनी दिलाय. राष्ट्रवादी काँग्रेसचे नेते छगन भुजबळांनी यावर भाष्य केलंय. काही चुकीचं घडत असेल तर सरकार लक्ष घालेल, असं भुजबळांनी म्हटलंय.
राज्यात आणि देशात हिंदुत्ववादी सरकार आहे. त्यामुळे आता अंनिसला नक्षलवादी संघटना म्हणून जाहीर करणं शक्य असल्याचंही अभय वर्तक यांनी म्हटलंय. दाभोलकर हत्या आणि मी या पुस्तकाच्या कार्यक्रमातच वर्तक यांनी हे वक्तव्य केल्यानं नवा वाद निर्माण होण्याची शक्यता आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
