मराठवाड्यात विज कंपनीच्या मागेल त्याला विज योजनेमध्ये तब्बल तीन लाख शेतकऱ्यांनी अर्ज दिले असून त्यातील दिड लाख अर्ज अद्यापही छाननी अभावी धुळखात पडले आहेत. आता अर्जाची छाननी कधी होणार असा सवाल शेतकऱ्यांतून उपस्थित केला जात आहे. दुसरीकडे विज जोडणी बाबत
.
महावितरणच्या छत्रपती संभाजीनगर प्रादेशीक कार्यालयांतर्गत लातुर व नांदेड परिमंडळाची विशेष आढावा बैठक नुकतीच घेण्यात आली. यावेळी संचालक अरविंद भादिकर, प्रभारी सह व्यवस्थापकीय संचालक धनंजय औंढेकर, मुख्य अभियंता पवनकुमार कच्छोड, लातुरचे अरविंद बुलबुले, नांदेडचे राजाराम माने यांच्यासह अधिक्षक अभियंता, कार्यकारी अभियंता उपस्थित होते. यावेळी मराठवाड्यातील विशेषतः लातुर व नांदेड मंडळातील विज देयकांची थकबाकी, विज पुरवठा, देखभाल दुरुस्तीची कामे, मान्सूनपुर्व कामे यावर चर्चा करून आवश्‍यक त्या सूचना करण्यात आल्या.
दरम्यान, मराठवाड्यात मागेल त्याला विज जोडणी अंतर्गत तीन लाख शेतकऱ्यांनी अर्ज दाखल केले होते. त्यापैकी दिड लाख अर्जाची छाननी झाली असून उर्वरीत दिड लाख अर्जाची छाननी व इतर प्रक्रिया करणे बाकी आहे. त्यामुळे दिड लाख अर्ज कार्यालयाकडे छाननी अभावी धुळखात पडली आहेत. आता या अर्जाची छाननी कधी होणार अन कृषी पंपासाठी विज पुरवठा कधी होणार असा सवाल शेतकऱ्यांतून उपस्थित केला जाऊ लागला आहे.
मॉडेल सोलार व्हिलेज प्रकल्पासाठी गावांची निवड होणार
मराठवाड्यात मॉडेल सोलार व्हिलेज प्रकल्पासाठी पाच हजार पेक्षा अधिक लोकसंख्येच्या गावांची निवड केली जाणार आहे. जिल्हा परिषद पंचायत विभाग व सरपंचांच्या समन्वयातून गावे निवडली जाणार आहेत. मात्र अद्यापही गावांच्या निवडीलाही मुहुर्त लागला नसल्याचे बोलले जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
