नाशिक जिल्ह्यातील मालेगाव येथे एक अत्यंत धक्कादायक आणि निंदनीय घटना समोर आली आहे. मालेगाव येथील एका 13 वर्षीय अल्पवयीन व मतिमंद मुलीवर एका 55 वर्षीय नराधमाने अत्याचार केल्याची घटना उघडकीस आल्याने मालेगाव पुन्हा एकदा हादरले आहे. या घटनेमुळे परिसरात ती
.
संशयित आरोपी दीपक धनराज छाजेड याने पीडित अल्पवयीन मुलीला फूस लावून, तिला आपल्या स्कुटीवर बसवून एका निर्जन व पडीत जागेवर नेले आणि तेथे तिच्यावर अत्याचार केला. या गंभीर प्रकारानंतर तात्काळ पोलिस ठाण्यात धाव घेण्यात आली आणि आरोपीविरोधात अत्याचार तसेच पोक्सो कायद्याअंतर्गत गुन्हा दाखल करण्यात आला आहे.
गुन्हा दाखल झाल्यानंतर पोलिसांनी तातडीने तपास करत आरोपीला ताब्यात घेतले. या प्रकरणी त्याची न्यायालयात व्हिडिओ कॉन्फरन्सिंगद्वारे सुनावणी झाली. न्यायालयाने संशयित आरोपी दीपक छाजेड याला पुढील तपासासाठी दोन दिवसांची पोलिस कोठडी सुनावली आहे.
मालेगावात काय चाललंय?
मालेगाव तालुक्यात अल्पवयीन मुलींवरील अत्याचाराच्या वाढत्या घटनांमुळे नागरिकांमध्ये तीव्र संताप व्यक्त होत असून, ‘मालेगावात काय चाललंय?’ असा प्रश्न उपस्थित केला जात आहे. तालुक्यातील डोंगराळे येथील साडेतीन वर्षीय चिमुकलीवर अत्याचार करून तिची हत्या झाल्याच्या घटनेने संपूर्ण महाराष्ट्र हादरला असतानाच, त्यानंतर शहर व तालुका भागात अल्पवयीन मुलींवरील अत्याचाराच्या ओळीने आणखी पाच घटना घडल्या आहेत. यामुळे अल्पवयीन मुलींच्या सुरक्षेचा प्रश्न गंभीर बनला आहे.
या घटनांच्या मालिकेत, 16 नोव्हेंबर रोजी डोंगराळे येथील चिमुकलीवरील अत्याचार आणि हत्येच्या प्रकरणी विजय खैरनार याला अटक करण्यात आली आणि तो सध्या न्यायालयीन कोठडीत आहे. माणुसकीला काळीमा फासणाऱ्या या प्रकारानंतर जनप्रक्षोभ उसळला असताना, शहरातील कलेक्टर पट्टा भागात एका 55 वर्षीय व्यावसायिकाने अल्पवयीन मतिमंद मुलीवर अत्याचार केल्याचा धक्कादायक प्रकार समोर आला. मुलीची आई या व्यावसायिकाच्या घरी घरकाम करत असताना, त्याने आईसोबत आलेल्या मुलीस फूस लावून निर्जनस्थळी नेत तिच्यावर अत्याचार केल्याचा संशय आहे. या व्यावसायिकालाही तात्काळ अटक करण्यात आली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
