मावळ विधानसभा मतदारसंघातील जनतेला 100 कोटी रुपयांत विकत घेत सुनील शेळके आमदार झाला आहे. अशा एकेरी शब्दात ठाकरे गटाचे खासदार संजय राऊत यांनी सुनील शेळके यांच्यावर पलटवार केला आहे. तर अजित पवार यांचे वक्तव्य सर्वांनी ऐकले आहे. त्यामुळे त्यांनी ‘चोरून’
.
अजित पवार यांच्या विषयी चुकीचे दाखवायची कोणाची हिम्मत आहे का? असा प्रश्न संजय राऊत यांनी उपस्थित केला. धिरुभाई अंबानी या देशातील एक महत्त्वाचे उद्योजक होते. या देशातील उद्योग आणि व्यापाराला उर्जीतअवस्था देण्याचे काम धिरुभाई अंबानी यांनी केले आहे. आज त्यांच्या कंपनीचे जे साम्राज्य आहे, त्याचा पाया त्यांनीच रचला आहे. धिरुभाई अंबानी यांच्या कारखान्यावर कधीही जप्ती आली नाही. त्यांच्यामागे कधीही ईडी लागलेली नाही. त्यामुळे त्यांनी प्रामाणिकपणे काम केले असेल, अशा शब्दात संजय राऊत यांनी अंबानी यांचे कौतुक केले. त्यामुळे चोऱ्या-माऱ्या, लबड्या कोण करते आहे. लोकांना माहिती आहे. अजित पवार काय बोलले हे सर्वांनी ऐकले असल्याचे राऊत यांनी म्हटले आहे.
आमदार सुनील शेळके यांच्यावर एकेरी शब्दात टीका
संजय राऊत यांनी आमदार सुनील शेळके यांच्यावर एकेरी शब्दात टीका केली. ते म्हणाले की, ‘मावळच्या जनतेला विकत घेऊन तू आमदार म्हणून निवडून आला आहेस. त्यामुळे तू आम्हाला सांगू नकोस. शरद पवारांच्या पक्षात निवडून आला आणि अजित पवार यांच्यासोबत तू गेला आहे. त्यामुळे अशा धमकी आम्हाला देऊ नकोस. आम्ही स्वाभिमानी लोक आहोत. तुझ्या मतदार संघातील इंद्रायणी नदीवरील पूल वाहून गेला. त्यात पर्यटक वाहून गेले असताना लोकप्रतिनिधी म्हणून तुमचे लक्ष कुठे होते? असा प्रश्न त्यांनी उपस्थित केल. त्यामुळे सुनील शेळके यांनी आम्हाला धमकी देऊ नये, आज तुमची सत्ता आहे, उद्या नसेल, असे देखील राऊत यांनी शेळके यांना सुनावले आहे.
मुलाच्या आठवणीने विनोद घोसाळकर भावूक, डोळे पाणावले
संजय राऊत यांच्या पत्रकार परिषदेला राऊत यांच्यासोबत ठाकरे गटाचे उपनेते विनोद घोसाळकर देखील उपस्थित होते. यावेळी राऊत यांनी भाजप आणि एकनाथ शिंदे यांच्या शिवसेनेच्या वतीने घोसाळकर कुटुंबावर दबाव टाकला जात असल्याचा आरोप केला. राऊत यांनी घोसाळकर यांच्या मुलाचा उल्लेख करताच मुलाच्या आठवणीने विनोद घोसाळकर भावूक झाल्याचे पाहायला मिळाले. संजय राऊत बोलत असताना घोसाळकरांचे डोळे पाणावले होते. भाजप, शिंदेंच्या सेनेकडून घोसाळकर कुटुंबावर दबाव टाकला जात असल्याचा आरोप खासदार संजय राऊत यांनी केला आहे. या संदर्भात प्रसार माध्यमांशी बोलताना विनोद घोसाळकर म्हणाले की, मी ठाकरेंच्या शिवसेनेतच आहे. ठाकरेंना भेटून आपली भूमिका स्पष्ट करणार असल्याचेही विनोद घोसाळकर यांनी सांगितले.
नाशिक मधील ठाकरेंची शिवसेना मजबूत
नाशिक मधील ठाकरेंची शिवसेना मजबूत असून सर्व कार्यकर्ते जागेवर आहेत, असा दावा देखील संजय राऊत यांनी केला आहे. ज्यांना जायचे होते ते गेले. ज्यांना पक्षातून दूर करायचे होते त्यांना आम्ही दूर केले. नाशिकची शिवसेना अत्यंत मजबूत आणि खंबीर असल्याचा दावा संजय राऊत यांनी केला आहे. आता केवळ हवेतील पतंगबाजी सुरू असल्याचा दावा त्यांनी केला. पक्षाला अडचणीची ठरणारी जी माणसे होती. त्यांना पक्षाने दूर केले आहे, अशा शब्दात सुधाकर बडगुजर यांच्या भाजप प्रवेशावर संजय राऊत यांनी प्रतिक्रिया दिली आहे. बडगुजर आमच्या पक्षात नाहीत. त्यामुळे त्यांच्याबद्दल मला काहीही माहिती नाही, असे देखील संजय राऊत यांनी म्हटले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
