गुरुवारी, मुंबईतील पवई परिसरातील रा स्टुडिओमध्ये २० हून अधिक मुलांना ओलीस ठेवल्याची घटना उघडकीस आली. रा स्टुडिओच्या पहिल्या मजल्यावर अभिनयाचे वर्ग भरवले जातात. याच ठिकाणी मुलांना ओलीस ठेवण्यात आले होते.
.
मुले स्टुडिओच्या खिडक्यांमधून बाहेर डोकावताना दिसली. घटनेची माहिती मिळताच मुलांचे पालकही घटनास्थळी दाखल झाले होते. सुमारे १०० मुलांना ऑडिशनसाठी बोलावण्यात आल्याचे वृत्त आहे.
घटनेची माहिती मिळताच पोलिस आणि विशेष कमांडोंनी कारवाई केली आणि एका तासाच्या आत मुलांची सुटका केली. आरोपीला अटक करण्यात आली आहे.
रोहित आर्य असे आरोपीचे नाव असून, तो मानसिकदृष्ट्या अस्थिर असल्याचे मुंबई पोलिसांनी सांगितले.
आरोपी रोहित म्हणाला- मला फक्त काही प्रश्न विचारायचे आहेत
रोहितचा एक व्हिडिओ समोर आला असून, त्यात त्याने स्वतःच्या कृतीचे समर्थन करताना, आपण कोणताही दहशतवादी नसून, आपल्या साध्या मागण्या पूर्ण व्हाव्या यासाठी हा मार्ग निवडल्याचे सांगितले आहे.
रोहित म्हणाला, माझ्या काही मागण्या आहेत. मी आत्महत्या करण्याऐवजी मी मुलांना बंदी बनवले आहे. मी दहशतवादी नाही, माझ्या काही साध्या मागण्या आहेत. मला संवाद साधायचा आहे, काही बोलायचं आहे, मला काही लोकांशी बोलायचे आहे, त्यांना प्रश्न विचारायचे आहेत, असे रोहित व्हिडिओत म्हणतोय.
मी दहशतवादी नाही. माझी पैशाची मागणी केलेली नाही. अनेक प्रयत्न झाले. अनेकांना अनेक वेळा भेटून झाले. दि. 1 मे पासून साधे उपोषण करून देखील अजून आज / उद्या असेच होत आहे. आजापासून तीव्र उपोषण सुरु केले. आता पाणी सुद्धा घेणार नाही. गांभीर्य समजून घेतले तर बरे होईल, नाही समजले तर जय श्री राम असं रोहित आर्यने म्हटले आहे. मी एकटा नाही, अनेक लोकांना हा प्रश्न आहे, त्याच्या सोल्युशनसाठी मला संवाद साधायचा आहे, असे रोहित आर्यने म्हटले आहे.
रा स्टुडिओचे समोरील कार्यालय, येथे १०० हून अधिक मुले ऑडिशनसाठी आली होती.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
