2014 मध्ये एकत्र येण्याची संधी त्यांना चालून आली होती. दोघांची काय मते आहेत, याची मला कल्पना नाही. अनेकांची मात्र इच्छा आहे की दोघांनी एकत्र यावे, अशी प्रतिक्रिया राष्ट्रवादी कॉंग्रेस अजित पवार गटाचे नेते छगन भुजबळ यांनी दिली आहे. तसेच राजकारणात काही
.
पत्रकारांशी बोलताना छगन भुजबळ यांनी राज ठाकरे आणि उद्धव ठाकरे यांच्या संभाव्य युतीविषयी भाष्य केले आहे. छगन भुजबळ म्हणाले, दोघे एकत्र आले तर ठाकरेंची मोठी ताकद निर्माण होईल. मुंबई महापालिकेची निवडणूक जवळ येत आहे. राज ठाकरे यांची उपयुक्तता सर्वांना वाटत आहे. तसेच प्रादेशिक पक्षाचे प्राबल्य आहे. पश्चिम बंगाल, बिहार, दक्षिणेकडे सगळीकडे प्रादेशिक पक्ष हवेत. राज ठाकरे यांच्याकडे एकनाथ शिंदे, देवेंद्र फडणवीस, उदय सामंत जातात. जेवण करतात आणि नंतर सांगतात भोजनावर चर्चा झाली. माझा त्यावर विश्वास नाही, राजकीय चर्चा होतच असते. दोन्ही ठाकरे एकत्र येणे ही त्यांची हतबलता नाही, त्यांना बाळकडू घरातूनच मिळाले आहे, असे छगन भुजबळ यांनी सांगितले.
राज ठाकरे आणि उद्धव ठाकरे यांच्या युतीची चर्चा सुरू असताना पवार काका पुतणे एकत्र येतील का? असा प्रश्न छगन भुजबळ यांना विचारण्यात आला. यावर बोलताना भुजबळ म्हणाले, सगळी कुटुंब एकत्र आली तर सर्वांना आनंद होतो, सर्वांनी एकत्र यावे. राजकारणामुळे जे कुटुंब फुटले, त्यांनी एकत्र आले तर आनंदच होईल.
दरम्यान, राज ठाकरे यांच्या मामांनी देखील युतीवर आनंद व्यक्त केला आहे. राज ठाकरे यांचे मामा चंदूमामा म्हणाले, मी राज ठाकरे आणि उद्धव ठाकरे या दोन्ही प्रमुखांचे वक्तव्य ऐकले आहे. मला आनंदाची बातमी मिळाली आहे. मी समाधानी आहे. आता हे दोघे एकत्र आले तर लेट बेटर दैन नेवर. झाले गेले गंगेला मिळाले, असे होऊन दोघांची मने एकत्र होत असतील तर चांगलीच गोष्ट आहे. उद्धव ठाकरे यांचे ज्या अटी शर्ती आहेत, त्याला सुद्धा पर्याय आहे. आपण शुभ बोलू, महाराष्ट्राला चांगले दिवस येतील हीच तुळजाभवानी चरणी प्रार्थना, असे चंदूमामा म्हणाले आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
