गवळीशिवरा येथील जिल्हा परिषद शाळेतील विजेच्या विद्यार्थ्यांचा सत्कार करण्यात आला.
.
गवळीशिवरा येथील जिल्हा परिषद शाळेतील विद्यार्थ्यांनी तालुकास्तरीय मैदानी स्पर्धेत यश मिळवले. बुधवारी या विजेत्यांचा शाळेत शाल, श्रीफळ देऊन सत्कार करण्यात आला. रायपूर येथील राजमाता इंदिरा गांधी सैनिक स्कूलमध्ये जिल्हा क्रीडा कार्यालयामार्फत ही स्पर्धा झाली होती. १४ वर्ष वयोगटातील मुलींच्या थाळीफेक स्पर्धेत नुसरत तय्यब शेख हिने तालुक्यात प्रथम क्रमांक मिळवला. समर लाला शेख याने थाळीफेक स्पर्धेत दुसरा क्रमांक पटकावला. यश गोकुळ पवार याने गोळाफेक स्पर्धेत तिसरा क्रमांक मिळवला.
या विद्यार्थ्यांचे गटशिक्षणाधिकारी अरविंद कापसे, विस्तार अधिकारी अनिलकुमार सकदेव, विद्या दीक्षित, केंद्रप्रमुख कडु बडोगे यांनी कौतुक केले. पुढील वाटचालीसाठी शुभेच्छा दिल्या. क्रीडा शिक्षक प्रमोद जाधव यांचाही यावेळी सन्मान करण्यात आला. कार्यक्रमाला माजी पंचायत समिती सदस्य चंद्रकांत गवळी, उपसरपंच योगेश केरे, शालेय व्यवस्थापन समितीचे अध्यक्ष अरुण केरे, लाला शेख, सविता गवळी, मुख्याध्यापक सुरेश शेळके, राजाराम सहाणे, पंकज भोसले, गजानन देशपांडे, श्रीकांत गोरे, दादा बनसोडे, सिध्दाराम हुलगिरे, अरुणा मेथे, कल्पना ढगे, शैला सूर्यवंशी, मीना गाढे, श्रद्धा गवळी, पल्लवी गवळी, कडु चव्हाण, राजेंद्र सोणवणे आदी उपस्थित होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
