म्हाडाच्या उपनिबंधकाच्या पत्नीने आत्महत्या केल्याची घटना समोर आली आहे. मुंबई येथील कांदिवली आकुर्ली परिसरात ही घटना घडली आहे. म्हाडाचे उपनिबंधक बापू कटरे यांच्या पत्नीने पतीच्या जाचाला कंटाळून हे टोकाचे पाऊल उचलले असल्याचे समजते. 44 वर्षीय रेणु कटरे
.
मिळालेल्या माहितीनुसार, रेणु कटरे या शिक्षिका होत्या आणि पती बापू कटरे यांच्यासोबत त्या आकुर्ली येथे राहत होत्या. दोघांमध्ये आर्थिक कारणावरून नेहमीच वाद व्हायचे. शनिवारी रात्री देखील दोघांमध्ये वाद झाल्याचे स्थानिकांकडून सांगण्यात येत आहे. त्यानंतर काही वेळाने रेणु यांनी राहत्या घरात गळफास घेत आत्महत्या केली. या घटनेने कुटुंबावर दुःखाचे डोंगर कोसळले आहे. परंतु, रेणु यांचे भाऊ वकील नितीन शेवाळ यांनी ही आत्महत्या नसून हत्या असल्याचा संशय व्यक्त केला आहे. त्यांनी थेट पती बापू कटरे यांच्यावर गंभीर आरोप करत बहिणीचा छळ केल्याचे म्हटले आहे.
वकील नितीन शेवाळ यांनी समतानगर पोलिस ठाण्यात तक्रार दाखल केली आहे. दरम्यान, समतानगर पोलिसांनी या प्रकरणी आकस्मिक मृत्यू म्हणून नोंद केली आहे. तसेच त्यांनी पुढील तपास देखील सुरू केला आहे. घटनास्थळी जाऊन पोलिसांनी पंचनामा केला असून मृतदेह शवविच्छेदनासाठी पाठवण्यात आला आहे.
रेणु कटरे यांच्या मृत्यू मागील कारण नेमके काय आहे, हे तपासानंतरच स्पष्ट होणार आहे. मात्र, रेणु यांच्या कुटुंबीयांनी जो संशय व्यक्त केला आहे, त्यामुळे या प्रकरणाला वेगळे वळण मिळाले आहे. त्यानुसार पोलिस तपास करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
