मराठा आरक्षणाचा काढलेला जीआर हा ओबीसींचे आरक्षण संपवणारा आहे. यापुढे आम्ही दांडके नाही तर कोयते काढू, असा इशारा लक्ष्मण हाके यांनी दिला आहे. हिंगोली येथील कळमनुरी उपविभागीय कार्यालयावर ओबीसींचा एल्गार मोर्चा काढण्यात आला होता. यावेळी लक्ष्मण हाके यां
.
लक्ष्मण हाके म्हणाले, बंजारा समाजानेही आता वेगळे आरक्षण न मागता ओबीसींची एकजूट राखावी, कुणीही ओबीसींमध्ये फूट पडेल असे कृत्य करू नये. मुख्यमंत्र्यांवर आमचा विश्वास आहे, ते जीआर मागे घेतील. ओबीसी आरक्षणासाठी हा विद्रोह आहे. आमच्या हक्काचे ओबीसींचे आरक्षण संपवण्याचा घाट घातला आहे. आता हातामध्ये दांडके नाही तर कोयते घेऊ, असा इशारा हाके यांनी यावेळी बोलताना दिला.
एकत्र येऊन आपले आरक्षण वाचवले पाहिजे
हैदराबाद गॅझेटचा जीआर लागू झाल्यानंतर बंजारा समाजाने अनुसूचित जमातीचे आरक्षण मिळावे अशी मागणी केली आहे. यावर बोलताना लक्ष्मण हाके यांनी बंजारा समाजाला विनंती केली आहे की, आपल्या ताटातले आरक्षण वाचवणे महत्त्वाचे आहे. ‘डोंगराच्या पल्याड हवेली आहे’ असे सांगितले जात आहे. ती हवेली कधी मिळेल हे माहीत नाही, पण आधी आपले झोपडे वाचवू. आता कोणत्याही समाजाने आपआपसात फूट पडेल असे वागू नये. एसटी आरक्षण कधी मिळेल हे सांगता येत नाही, पण तोपर्यंत आपल्या हक्काचे आरक्षण संपून जाईल. सध्या एकट्याने काही मागण्याची ही वेळ नाही. सर्वांनी एकत्र येऊन आपले आरक्षण वाचवले पाहिजे.
बंजारा समाजही आक्रमक
हैदराबाद गॅझेटनुसार, अनुसूचित जमाती प्रवर्गातून आरक्षणासाठी बंजारा समाज आक्रमक झाला आहे. जळगाव जिल्ह्यातील चाळीसगावात हजारो बंजारा पुरुष आणि महिला पारंपरिक वेशभूषेत मोर्चात सहभागी झाले होते. ‘जय सेवालाल’ आणि ‘एसटी आरक्षण मिळालंच पाहिजे’ अशा घोषणांनी परिसर दणाणून सोडला. तहसील कार्यालयाच्या प्रांगणात सभा घेत, आदिवासी आरक्षणाची मागणी मान्य न झाल्यास मुंबईत मोर्चा नेण्याचा इशारा त्यांनी दिला.
याच मागणीसाठी अकोला येथेही बंजारा समाजाने आंदोलन केले. बंजारा समाज आरक्षण कृती समितीच्या नेतृत्वाखाली जिल्हाधिकारी कार्यालयासमोर झालेल्या या आंदोलनातही मोठ्या संख्येने पारंपरिक वेशभूषेतील बंजारा समाज उपस्थित होता.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
