मुंबई : संजय राऊतांनी एकनाथ शिंदेंवर जोरदार प्रतिहल्ला चढवलाय. संदर्भ ठरला तो एकनाथ शिंदे आणि उद्धव ठाकरे यांच्या नावाचा. ‘UBTमधला B म्हणजे बाप आहे, असं प्रत्युत्तर संजय राऊत यांनी शिंदेंना दिलंय. ठाकरेंच्या नावामधील ब अक्षर कसं काढणार? असा सवाल राऊतांनी शिंदेंना केला.
उद्धव ठाकरे आणि एकनाथ शिंदेंमध्ये पेटलेल्या नावांच्या शॉर्टकटच्या वादात आता संजय राऊतांनी उडी घेतली. उपमुख्यमंत्री एकनाथ शिंदेंनी उद्धव ठाकरेंना UT म्हणजे ‘युज अँड थ्रो’ असं म्हणत डिवचलं होतं. त्या वादात आता संजय राऊतांनी उडी घेतलीय. यूटी नाही तर युबीटीमधील बी म्हणजे बाप आहे, अशा शब्दात राऊतांनी शिंदेंना प्रत्युत्तर दिलंय.
हेही वाचा : दिलगिरी नको माफी मागा! माणिकराव कोकाटेंच्या वादग्रस्त वक्तव्यानंतर शेतकऱ्यांची मागणी
संबंधित वादाला सुरुवात झाली ती उद्धव ठाकरेंनी अधिवेशन संपल्यानंतर घेतलेल्या पत्रकार परिषदेत. 27 मार्चला घेतलेल्या पत्रकार परिषदेत उद्धव ठाकरेंनी एकनाथ शिंदेंचा उल्लेख ‘एसंशिं’ असा केला होता. एक दोनदा नाही तर या पत्रकार परिषदेत अनेकदा ठाकरेंनी शिंदेंचा एसंशि असा उल्लेख केला होता.
शिवसेना उद्धव बाळासाहेब ठाकरे पक्षाला शिंदेंच्या शिवसेनेकडून वारंवार उबाठा असं म्हटलं जातंय. त्यानंतर आता उद्धव ठाकरेंनीही शिंदेंना ‘एसंशि’ म्हणत डिवचलं होतं. त्यानंतर ठाकरे आणि शिंदेंमध्ये वार पलटवार सुरू होते. आता संजय राऊतांनी या वादात उडी घेऊन विषय संपवून टाकलाय. मात्र राऊतांचा हल्ला शिवसेना शिंदे पक्षाकडून परतवला जाणार का हे पाहणं महत्वाचं ठरणार आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
