फलटण येथील महिला डॉक्टरच्या आत्महत्येप्रकरणी शिवसेना ठाकरे गटाच्या नेत्या सुषमा अंधारे यांनी केलेले आरोप हे एका ‘मास्टरमाईंडच्या सांगण्यावरून’ करण्यात आले आहेत, असे थेट प्रतिपादन माजी खासदार रणजितसिंह नाईक निंबाळकर यांनी केले. या आरोपांना जाहीर सभेत
.
या जाहीर सभेदरम्यान एक भावनिक प्रसंग पाहायला मिळाला. उपस्थित महिलांनी रणजितसिंह नाईक निंबाळकर यांचे पाय धुतले, त्यांची दृष्ट काढली आणि त्यानंतर त्यांचा दुग्धाभिषेक केला. महिलांच्या या कृत्याने रणजितसिंह निंबाळकर भारावून गेले आणि त्यांना आपले अश्रू अनावर झाल्याचे दिसून आले. या माध्यमातून त्यांनी आपल्यावरील आरोपांना भावनिक आणि राजकीय उत्तर देण्याचा प्रयत्न केला आहे.
रणजितसिंह नाईक निंबाळकर पत्रकार परिषदेत म्हणाले, माझ्या भगिनी सुषमा ताई या ठिकाणी आल्या होत्या त्यांनाही आपण निमंत्रण दिले होते. पण त्या आल्या नाहीत. फलटण येथे ज्या भगिनीचा जीव गेला, त्याचे कारण काय असेल. रणजित सिंह निंबाळकर इथे कोणाचे चारित्र्यावर बोलत नाही आणि कधी बोलणार पण नाही. असे म्हणत निंबाळकर यांनी मृत डॉक्टरसाठी 2 मिनिटे शांतता पाळत श्रद्धांजली वाहिली.
पुढे बोलताना रणजितसिंह नाईक निंबाळकर म्हणाले, मुख्यमंत्र्यांना त्यांच्या अंतर्मनाला माहित होते की मी चुकणार नाही. कुठल्या पोलिसच्या रिपोर्टची गरज नाही. आयुष्यात जेव्हा पण मी काम करतो तेव्हा मी कधीही चुकीची कामे केली नाही, असेही ते यावेळी म्हणाले.
दिगंबर आगवणे यांनी केलेल्या तक्रारीवर बोलताना रणजितसिंह नाईक निंबाळकर म्हणाले, त्यांनी स्वराज पथसंस्थेतून त्यांना कर्ज दिले होते. विधानसभा निवडणूक झाल्यानंतर मी स्पष्ट केले होते की या आगवणेला आपण कधी जवळ करणार नाही. जो माणूस पैशांसाठी कॉम्प्रोमाइज झाला त्याच्यासोबत आम्ही सोबत जाणार नाही. नंतरच्या काळात जे आम्ही कर्ज दिले होते, त्याची वसूली साठी जेव्हा आमचे लोक गेले तेव्हा त्यांनी शिव्या देणे सुरू केले. त्यानंतर त्यांनी पोलिसांत तक्रार दाखल केली होती.
सुषमा अंधारे यांनी रणजितसिंह नाईक निंबाळकर यांच्यावर टीका केली होती की त्यांच्याकडे हत्यारे आहेत. त्यावर निंबाळकरांनी व्हिडिओ दाखवत स्पष्ट केले की माझ्याकडे जी काही हत्यारे आहेत ते बेकायदेशीर नाहीत. मला त्यांच्याबाबत काही बोलायचे नाही.
शेर को धमका सकते हो, डरा नहीं सकते
रणजितसिंह निंबाळकर म्हणाले की, आपल्याला बदलाव आणायचा आहे, बदला घ्यायचा नाही. तालुक्यातील 60 टक्के जनता आपल्यासोबत आहे. मुख्यमंत्र्यांना कोणत्याही रिपोर्टची गरज नव्हती. मी त्यांना मातीसाठी भेटलो, काही वैयक्तिक मागितले नाही. चॅलेंज दिल म्हणून मी बोलत आहे. चॅलेंज कुणाला देताय? विधान परिषदेच्या आमदारामुळे तालुक्याची बदनामी झाली. शेर को धमका सकते हो, डरा नहीं सकते. मी नार्को टेस्ट करायला तयार आहे. माझ्यावर आरोप करणारे तयार आहेत का?, असा सवाल निंबाळकरांनी टीका करणाऱ्यांवर केला आहे.
बहिणीच्या चारित्र्यावर संशय नको म्हणून मी बोललो नाही
बहिणीच्या चारित्र्यावर संशय नको म्हणून मी बोललो नाही. तीन-चार दिवस झाले काहीच बोललो नाही म्हणून मी म्हटले की आपण बोलले पाहिजे. नाहीतर माझ्यावर संशय वाढायचा. तिन्ही भावांनी फलटणचे नाव खराब केले. आम्ही बापजाद्यांच्या पैशावर जगलो नाही. या तिघांनाही बोलवा आणि आमच्या चौघांचीही नार्को टेस्ट करा. तुम्ही म्हणाल ती वेळ, तुम्ही म्हणाल तो डॉक्टर. सगळ्यांची लाईव्ह डिटेक्टर चाचणी करा, पैसे मी भरायला तयार आहे. मेहबूब शेख आणि सुषमा अंधारे यांनाही बोलवा. मी जर दोषी असेन तर तुरुंगात जाईन, असेही निंबाळकर म्हणाले.
आज दिलेले आव्हान स्वीकारा, नाहीतर नाईक निंबाळकर नाही म्हणून सांगा असे आव्हान रणजितसिंह निबाळकर यांनी दिले. माफीच्या आडून जर पुन्हा आरोप झाले तर मी तुम्हाला 277 केसेस करून दाखवतो. 78 व्या वर्षी मी त्यांना जेलमध्ये बसवणार नाही. त्यांना चक्की पिसिंग करून देणार नाही. पीडितेला न्याय मिळाला पाहिजे ही माझी कालही भूमिका होती आणि आजही आहे. हीच भूमिका उद्याही असणार आहे असेही ते म्हणाले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
