Sanjay Raut On Raj-Uddhav Together: मुंबई पालिका निवडणुच्या पार्श्वभूमीवर राज ठाकरे आणि उद्धव ठाकरे एकत्र येण्याची जोरदार चर्चा महाराष्ट्राच्या राजकारणात सुरु आहे. यावर आता उद्धव ठाकरेंच्या शिवसेनेचे खासदार संजय राऊत यांनी प्रतिक्रिया दिली आहे.
भारतीय जनता पार्टीला महाराष्ट्रातून शिवसेना आणि ठाकरे बंधू हे नाव संपवायचे आहे. यासाठी दोघे एकत्र आले तर याबद्दल मी स्वत: सकारात्मक आहे. संयुक्त महाराष्ट्र चळवळीत अनेकांनी आपले मतभेद बाजुला ठेवून एकत्र येण्याचा निर्णय घेतला होता. महाविकास आघाडी ही आमची राज्यासाठी राजकीय व्यवस्था असल्याचे संजय राऊत म्हणाले.
राज ठाकरे आम्हाला सध्या एसंशी आणि फडणवीसांसोबत दिसतायत. जे आम्हाला योग्य वाटत नाही. माझी उद्धव ठाकरेंची सविस्तर चर्चा झाली. आम्ही हवेत बोलत नाही. राज ठाकरेंकडून भूमिका आली असेल तर ही नाकारण्याचा करंटेपणा आमच्याकडून होणार नाही. सर्व ठाकरे एक आहोत. तुम्ही महाराष्ट्राच्या शत्रुंना घरी घेतलं, हा आमच्यासाठी न पटणारा विषय आहे. दोन ठाकरे एकत्र आले तरी त्यांच्यासोबत लोकभावना असल्याचेही संजय राऊत म्हणाले.
राज ठाकरे यांचा पक्ष स्वतंत्र आहे. फडणवीस माझं ऐकत नाहीत ही खंत सांगायला एकनाथ शिंदे गेले असतील. उद्या ते आमच्याकडेही येऊ शकतील, असा टोला राऊतांनी यावेळी लगावला. महायुती सरकार हे सरळ मार्गाने सत्तेवर आलेले नाहीत. त्यांना महाराष्ट्राबद्दल आस्था नाही. यांना फक्त महाराष्ट्र लुटायची आहे. शिवसेना अमित शाह यांनी तोडली. एसंशी पक्ष अमित शहा एकटेच चालवतात. हे सर्व विंचू असून त्यांना घरी थारा देऊ नये असे संजय राऊत म्हणाले.
ही रक्ताची नाती आहेत. मैत्रीची नाती आहेत. आता कुठे राज ठाकरेंनी त्यांचे मन मोकळे केले. यावर उद्धव ठाकरेंनी प्रतिसाद दिला. आता थांबून पुढे पाहूया. उद्धव ठाकरेंनी अटी घातल्या नाहीत, त्या भावना आहेत. महाराष्ट्राच्या शत्रूंना आपल्याकडे स्थान असता कामा नये ही लोकभावना असल्याचे संजय राऊत म्हणाले.आजचा भाजप हा आमचा नंबर एकचा शत्रू आहे. महाराष्ट्र कमजोर करण्यासाठी शिवसेनेचे तुकडे केले. आणि तुकडा एकनाथ शिंदेंकडे फेकला, अशी टीका राऊतांनी केलीय. महायुतीची ताकद काय आहे, हे समजून घ्यायला तुम्हाल वॉशिंग्टनला जावं लागेल. कशाप्रकारे ईव्हीएम हॅक केलं गेलं हे तुम्हाला कळेल, असा टीका त्यांनी यावेळी केली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
