लाडक्या बहिणींना ‘छावा’ सिनेमा मोफत पाहता येणार: NCP आमदार संग्राम जगताप यांची घोषणा; अहिल्यानगरात आठवडाभर खास ‘शो’ – Ahmednagar News

.

संग्राम जगपात यांनी सोमवारी एका पोस्टद्वारे या मोफत शोची घोषणा केली. ते म्हणाले, छत्रपती संभाजी महाराजांच्या धगधगत्या इतिहासातून महिला-भगिनींना प्रेरणा मिळावी यासाठी अहिल्यानगर येथील महिलांसाठी बहुचर्चित छावा चित्रपटाचे मोफत शोज आयोजित करण्यात आलेत. हे शो17 फेब्रुवारीपासून सोमवार ते शनिवार कॉनप्लेक्स थिएटर, कोहिनूर मॉल येथे (सायंकाळी 4.30) व सिनेलाइफ थिएटर, नगर कॉलेजजवळ, जुडीओच्या वर अहिल्यानगर येथे दुपारी 3.30 वा. मोफत पाहता येतील. सर्व महिलांनी संभाजी महाराजांचा गौरवशाली इतिहास नक्की अनुभवावा.

संग्राम जगताप यांनी यासंबंधी एक मोबाईल क्रमांक जारी केला आहे. या क्रमांकाच्या माध्यमातून महिलांना त्यांना कोणत्या वेळेत चित्रपट पाहता येईल याची माहिती व तिकीट उपलब्ध करून दिले जाणार आहे.

3 दिवसांत 121 कोटींचा गल्ला

उल्लेखनीय बाब म्हणजे लक्ष्मण उतेकर दिग्दर्शित छावा चित्रपट गत शुक्रवारी प्रदर्शित झाला. त्यानंतर अवघ्या 3 दिवसांतच या सिनेमाने 121 कोटींचा गल्ला जमवला आहे. या चित्रपटात अभिनेता विकी कौशल हा संभाजी महाराजांची भूमिका साकारत असून, दाक्षिणात्य अभिनेत्री रश्मिका मंदाना ही येसूबाईंच्या भूमिकेत आहे. अभिनेता अक्षय खन्ना यांनी मोगल बादशहा औरंगजेब साकारला आहे. याशिवाय, आशुतोष राणा, डायना पेंटी, विनित सिंह, संतोष जुवेकर, नीलकांती पाटेकर आदी कलाकारही या चित्रपटात दिसून येत आहेत.

हे ही वाचा…