राज्याचे कॅबिनेट मंत्री दत्तात्रय भरणे यांनी नुकतेच इंदापूरमधील घरकुलाच्या धनादेश वाटप कार्यक्रमात उपस्थिती लावली. या कार्यक्रमात बोलताना त्यांनी इंदापूर तालुक्यातील विकासकामांबाबत सविस्तर माहिती दिली. विशेषतः, निधी वितरणात होणाऱ्या विलंबावर भाष्य कर
.
मंत्री दत्तात्रय भरणे पुढे बोलताना म्हणाले की, मी सातत्याने पाठपुरावा करत असतो, मग मी कुठेही असलो तरी इंदापूरसाठी अधिकाधिक निधी मिळवण्याचा प्रयत्न करतो. मात्र सध्या लाडकी बहीण योजनेमुळे निधी वितरणात उशीर झालेला आहे. आता मात्र परिस्थिती सुधारत आहे.
विरोधकांच्या बोलण्याचा फरक पडत नाही
दत्तात्रय भरणे म्हणाले की, इतर जिल्ह्यांमध्ये निधी कमी मिळतो, मग इंदापूरलाच कसा मिळतो, असा सवाल विचारला जातो. म्हणूनच मी बातम्या देत नाही, व्हिडीओ वा शो करत नाही. विरोधक व्हॉट्सॲपवर काय टाकतात याचा फरक पडत नाही. इंदापूरची जनता अतिशय समजूतदार आहे.
यापूर्वीही भरणेंनी केले होते वक्तव्य
यापूर्वीही भरणे यांनी लाडकी बहीण योजनेमुळे इतर विकासकामांमध्ये अडथळा येत असल्याचे सूचित केले होते. आता पुन्हा त्यांनी त्या योजनेचा उल्लेख केल्यामुळे राजकीय वर्तुळात चर्चा सुरू झाली आहे. काही महिन्यांपूर्वी सुरू झालेल्या या योजनेमुळे शासनाच्या तिजोरीवर मोठा ताण आल्याचे बोलले जात होते. त्यामुळे इतर विकास कामांमध्ये निधी वाटप विलंबित झाल्याच्या चर्चांना आता अधिकृत छाप मिळाल्याचे विरोधकांचे म्हणणे आहे. भरणे यांच्या विधानामुळे या मुद्द्यावर विरोधकांना हत्यार मिळाले आहे.
शिरसाटांनी व्यक्त केली होती खंत
सामाजिक न्याय विभागातील अनुसूचित जाती घटकांसाठी 410.30 कोटींचा निधी वळवण्यात आला असल्याची माहिती समोर आली होती. सामाजिक न्यायमंत्री संजय शिरसाट यांनी अर्थमंत्री अजित पवार यांच्यावर टीका केली होती. याआधी लाडकी बहीण योजनेसाठी आदिवासी विकास खात्याचा निधी वळवण्यात आला असल्याचे देखील बोलले जात होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
