शालेय वयात विद्यार्थ्यांमध्ये निर्माण होणारी लिंगभेदाची भावना निर्माण होऊ नये, मुलामुलींना एकत्रित शिक्षणाची संधी मिळावी, त्यांच्या व्यक्तिमत्त्वाची निकोप वाढ व्हावी या भूमिकेतून सहशिक्षणाच्या शाळा चालविणे गरजेचे आहे. यापुढील काळात कन्या प्रशाला स्वत
.
त्याची तत्काळ अंमलबजावणी सुरू करण्याचे आदेश शिक्षण आयुक्तांना देण्यात आले आहेत. संबंधित शाळांना एकच युडायस क्रमांकही लागू करण्यात येणार आहेत. त्यामुळे यापुढील काळात स्वतंत्रपणे भरणाऱ्या खासगी आणि सरकारी कन्या प्रशाला बंद होऊन मुलामुलींच्या शाळा एकत्रितपणे भरल्या जातील.
कौशल्यांना प्रोत्साहन मिळावे
सहशिक्षणामुळे लिंगांमधील परस्पर आदर आणि समज वाढते, निरोगी सामाजिक आणि संवाद कौशल्यांना प्रोत्साहन मिळते आणि विद्यार्थ्यांना शाळेनंतर येणाऱ्या वैविध्यपूर्ण, वास्तविक जगाच्या वातावरणासाठी तयार करते. शालेय शिक्षणाच्या वयात मुलांमध्ये लिंगभेदाची भावना निर्माण होऊ नये, मुलामुलींना एकत्रित शिक्षणाची संधी मिळून त्यांच्या व्यक्तिमत्त्वाची निकोप वाढ व्हावी यासाठी शासनाने कन्या प्रशालेंचे सहशिक्षणाच्या शाळेत रूपांतर करण्याचे आदेश दिले आहेत.
मुलींची पटसंख्या घटत असल्यास एकत्रीकरणाचा प्रस्ताव
एकाच आवारात मुलामुलींच्या स्वतंत्र्य शाळा भरत असतील तर त्या शाळांचा सहशिक्षणात समावेशासाठी प्रस्ताव द्यायचे आहेत किंवा स्वतंत्रपणे भरणाऱ्या कन्या प्रशालांमधील मुलींची संख्या घटत चालली असल्यासही त्या शाळांचा सहशिक्षणात म्हणजेच मुलामुलींच्या शाळा एकत्रित सुरू करण्यासाठी प्रस्ताव द्यावेत, असेही सुचवण्यात आले आहेत.
भीती दूर व्हायला हवी
मुलींच्या मनातील भीती दूर व्हायला हवी. त्यांची नैसर्गिक वाढ एकत्रित व्हावी यासाठी सहशिक्षण शाळांचा निर्णय आहे. जेव्हा महाविद्यालयात किंवा क्लासमध्ये मुले-मुली एकत्रित येतात तेव्हा त्यांच्या मनात भीती असते. सोशल मीडियामुळे विद्यार्थ्यांवर गंभीर परिणाम होत आहेत. त्यावर अंकुश ठेवणे गरजेचे आहे. – संगीता राजेंद्र गोटे, मुख्याध्यापिका, सिद्धेश्वर कन्या प्रशाला.
पत्रानंतर कार्यवाही
सहशिक्षण शाळांसाठी शासनाने परिपत्रक काढले आहे. त्याचे स्वतंत्रपणे पत्र शिक्षण संचालकांकडून येईल. त्यानंतर पुढील कार्यवाही केली जाणार आहे. – सचिन जगताप, शिक्षणाधिकारी
असे आहेत शासन आदेश
- तत्कालीन परिस्थिती विचारात घेऊन शासनाने स्वतंत्र कन्या शाळांना मान्यता दिली असली तरी काळाच्या ओघात झालेला बदल विचारात घेऊन कन्या शाळांचे सहशिक्षणाच्या शाळेत रूपांतरण करावे.
- ज्या स्वतंत्र शाळा कार्यरत आहेत अशा शाळांनी संयुक्त शाळेस मान्यता देण्याचे प्रस्ताव सादर केल्यास अशा प्रस्तावांना मान्यता देण्याचे अधिकार आयुक्त (शिक्षण), महाराष्ट्र राज्य यांना प्रदान करण्यात आले आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
