राज्यातील स्थानिक स्वराज्य संस्थांच्या निवडणुका आता जाहीर करण्यात आले आहेत. नगरपालिका आणि नगरपंचायत निवडणुकांची घोषणा राज्य निवडणूक आयोगाने पत्रकार परिषदेतून केला आहे. पुढील महिन्यात या निवडणुका रंगणार आहेत. त्या पार्श्वभूमीवर राजकीय पक्षांची आता चां
.
रत्नागिरी येथील भाजपचे जिल्हाध्यक्ष राजेश सावंत यांनी आपल्या जिल्हाध्यक्ष पदाचा राजीनामा दिला आहे. चिपळूण येथे भाजपच्या एका कार्यक्रमात त्यांनी प्रदेशाध्यक्ष रवींद्र चव्हाण यांच्याकडे आपला राजीनामा दिला. त्यामुळे येथील राजकीय वर्तुळात चर्चेला उधाण आले असून अनेकांच्या भुवया उंचावल्या आहेत. तसेच आपल्या लेकीसाठी राजेश सावंत यांनी हा निर्णय घेतला असल्याचे बोलले जात आहे. सावंत यांच्या मुलीला शिवसेना ठाकरे गटाकडून नगराध्यक्ष पदाची उमेदवारी मिळणार असल्याची चर्चा आहे. त्यामुळेच राजेश सावंत यांनी राजीनामा दिल्या असल्याची रत्नागिरीत चर्चा सुरू आहे.
राजेश सावंत यांची मुलगी शिवानी माने ही शिवसेना ठाकरे गटाचे नेते बाळ माने यांची सून आहे. नगरपालिका निवडणुकांमध्ये नगराध्यक्ष पदासाठी शिवानी माने इच्छुक असल्याचे समजते. त्यामुळे लेकीसाठी वडिलांनी आपल्या पदाचा राजीनामा दिल्याची चर्चा सुरू आहे. राजेश सावंत आणि बाळ माने हे व्याही असून विधानसभा निवडणुकीच्यावेळी सावंत यांनी माने यांना मतदानासाठी मदत केल्याची देखील चर्चा होती.
दरम्यान, राजेश सावंत यांचा राजीनामा रवींद्र चव्हाण यांनी स्वीकारला. यावेळी ते म्हणाले, राजेश सावंत हे चांगले कार्यकर्ते आहेत पण ते सध्या अडचणीत आले. त्यांच्या मुलीचे लग्न झाले आहे, ती सध्या रत्नागिरीतील नगराध्यक्षपदासाठी इच्छुक आहे. त्यामुळे, पक्षाचे काम करताना कुठेही अडचण नको, याचमुळे राजेश सावंत यांनी राजीनामा दिला. त्यांचा राजीनामा मला मिळाला असून मी आणि वरिष्ठ यावरती विचार करू आणि निर्णय घेऊ, अशी प्रतिक्रिया चव्हाण यांनी दिली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
