महाराष्ट्रात सध्या बारावी बोर्डाच्या परीक्षा सुरू आहेत. या परीक्षांमध्ये अनेक ठिकाणी गैरव्यवहार होत असल्याचे उघडकीस येत आहे. वसई तालुक्यात मोठा गैरव्यवहार झाल्याचे समोर आले आहे. परीक्षेसाठी मित्राला बसवल्याची घटना घडली आहे. वाडा येथील एसपी कॉलेजमध्ये
.
अरबाज अस्लम कुरेशीचे ओमसाई इंग्लिश हायस्कूल, तुंगारेश्वर येथे त्याचे परीक्षा केंद्र होते. मात्र, ही माहिती महाराष्ट्र नवनिर्माण सेनेच्या कार्यकर्त्यांना मिळताच त्यांनी तत्काळ कारवाई करत आरोपीचा पाठलाग करून परीक्षा केंद्रावरच त्याला पकडले आणि पोलिसांच्या ताब्यात दिले आहे.
या प्रकरणी प्राथमिक तपासात असे समोर आले आहे की, अरबाज कुरेशी याची काही राजकीय नेत्यांशी जवळीक होती. त्याने आपल्या सोशल मीडिया अकाऊंटवर विविध राजकीय नेत्यांसोबतचे फोटो देखील पोस्ट केले होते. त्यामुळे हा प्रकार अधिक गंभीर असल्याची शक्यता वर्तवली जात आहे. पोलिसांनी या प्रकरणी गुन्हा दाखल केला असून, पुढील तपास सुरू आहे. शिक्षण क्षेत्रात होत असलेल्या अशा गैरप्रकारांवर कडक कारवाई करण्याची मागणी नागरिकांकडून केली जात आहे.
राज्य सरकारकडून यंदा 12 वी बोर्डाची परीक्षा कॉपीमुक्त परीक्षा राबवण्यासाठीचे अभियान जोमाने चालवले जात आहे. त्यासाठी, विशेष प्रयत्न केले जात असून मुख्यमंत्री देवेंद्र फडणवीस यांनी देखील या संदर्भात कठोर अंमलबजावणी करण्याचे आदेश दिले आहेत.
दरम्यान, अनेक ठिकाणी परीक्षा केंद्राबाहेर कोणताही अनुचीत प्रकार घडू नये म्हणून पोलिसांचा बंदोबस्त करण्यात आला आहे. मात्र या बंदोबस्ताला न जुमानता अनेकांनी कॉप्या पुरवण्याच्या उद्योग केला आहे. काही टिकाणी थेट विद्युत रोहित्राजवळ असलेल्या खांबावर चढून स्वतःचा जीव धोक्यात घालत कॉपी पुरवण्यात आल्याचे प्रकार समोर आले आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
