कळमनुरी तालुक्यातील एका वसतिगृहामध्ये अल्पवयीन विद्यार्थिनीचा विनयभंग करणाऱ्या एका शिक्षकासह दोघांवर आखाडा बाळापूर पोलिस ठाण्यात बुधवारी ता. १५ बाल लैंगिक अत्याचार प्रतिबंधक कायद्यांतर्गत गुन्हा दाखल करण्यात आला आहे. गुन्हा दाखल होण्यापूर्वीच दोन्ही
.
पोलिसांनी दिलेल्या माहितीनुसार, कळमनुरी तालुक्यातील एक गावात इतर मागास बहुजन कल्याण विभागामार्फत एका संस्थेद्वारे आश्रमशाळा व वसतिगृह चालविले जाते. या वसतिगृहात इयत्ता पहिली ते आठवी पर्यंतचे विद्यार्थी व विद्यार्थिनी राहतात. आश्रमशाळेत शिक्षण घेणाऱ्या या विद्यार्थ्यांच्या निवासाची व्यवस्था वसतिगृहात करण्यात आलेली आहे. आश्रमशाळेतील शिक्षकांची या वसतिगृहामध्ये विद्यार्थ्यांच्या अभ्यासासह देखरेखीसाठी नियुक्ती केली जाते.
सोमवारी ता. १३ आश्रमशाळेतील शिक्षक महालिंग पटवे याची वसतिगृहामध्ये नियुक्ती होती. रात्री दहा वाजण्याच्या सुमारास सर्व विद्यार्थी व विद्यार्थिनींचे जेवण झाल्यानंतर शिक्षक पटवे याने एका विद्यार्थिनीला तू माझ्या सोबत जेवायला ऑफीसमध्ये चल असे म्हटले. शिक्षकाने बोलावल्यामुळे विद्यार्थिनी ऑफीसमध्ये गेल्यानंतर पटवे याने त्या मुलीचा विनयभंग केला. शिक्षकांकडून होत असलेल्या या प्रकारामुळे विद्यार्थिनी घाबरून गेली. तिने ऑफीसमधून पळ काढला.
अन्य एका शिक्षकाचा प्रकरण दाबण्याचा प्रयत्न
सदर विद्यार्थिनीने घडलेला प्रकार शाळेतील दुसरे शिक्षक मोहन जाधव यांच्या कानावर टाकला. मात्र शिक्षक जाधव याने या प्रकाराची माहिती आश्रमशाळेच्या मुख्याध्यापकांना न देता लपवून ठेवली. मात्र या प्रकारामुळे घाबरलेल्या विद्यार्थिनीनेच शाळा प्रशासनाला व तिच्या कुटुंबीयांना सांगितला. तर या घटनेची माहिती मिळाल्यानंतर आज पोलिस उपाधिक्षक राजकुमार केंद्रे, आखाडा बाळापूर पोलिस ठाण्याचे निरीक्षक विष्णुकांत गुठ्ठे, उपनिरीक्षक गणेश गोटके, जमादार शेख बाबर, शिवाजी पवार यांच्या पथकाने घटनास्थळी भेट दिली.
याप्रकरणी त्या विद्यार्थिनीने दिलेल्या तक्रारीवरून आखाडा बाळापूर पोलिसांनी आश्रम शाळेचे शिक्षक महालिंग पटवे व मोहन जाधव यांच्यावर बाल लैगिक अत्याचार प्रतिबंधक कायद्यांतर्गत गुन्हा दाखल केला आहे. उपाधीक्षक केंद्रे, निरीक्षक केंद्रे पुढील तपास करीत आहेत. या प्रकरणातील दोन्ही शिक्षक फरार असून पोलिसांनी त्यांचा शोध सुरु केला आहे.
चौकशी करून अहवाल सादर करण्याचे आदेश
या प्रकरणात इतर मागास व बहुजन कल्याण विभागाने या प्रकरणात सखोल चौकशी करून तातडीने अहवाल सादर करण्याचे आदेश शाळा प्रशासनाला दिला आहेत. या अहवालानंतरच वसतीगृहाबाबत पुढील कारवाई केली जाणार असल्याचे कार्यालयाच्या सुत्रांनी सांगितले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
