वाघोली पोलिसांनी गांजा विक्री करणाऱ्या एका तरुणाला अटक केली. वाघोली-लोहगाव रस्त्यावर ही कारवाई करण्यात आली. आरोपीकडून पोलिसांनी आठ किलो ४०२ ग्रॅम गांजा जप्त केला.
.
धुळे जिल्ह्यातील शिरपूर तालुक्यातील हिसाळे येथील सुरेश साहेबराव पाटील (४४) याला पोलिसांनी अटक केली. वाघोली-लोहगाव रस्त्यावर गस्त घालणाऱ्या पोलिसांना पाटील गांजा विक्रीसाठी येणार असल्याची माहिती मिळाली. पोलिसांनी सापळा रचून त्याला पकडले. त्याच्याकडील पिशवीतून गांजा सापडला. जप्त केलेल्या गांजाची किंमत एक लाख ६९ हजार ३४० रुपये आहे.
न्यायालयाने पाटील याला २ जूनपर्यंत पोलीस कोठडीत ठेवण्याचे आदेश दिले आहेत. पाटील गांजा कोणाला विकणार होता आणि त्याने तो कोणाकडून आणला याचा तपास सुरू आहे.
अतिरिक्त पोलीस आयुक्त मनोज पाटील, उपायुक्त हिंमत जाधव आणि सहायक आयुक्त प्रांजली सोनवणे यांच्या मार्गदर्शनाखाली ही कारवाई करण्यात आली. वाघोली पोलीस ठाण्याचे वरिष्ठ पोलीस निरीक्षक युवराज हांडे यांच्या नेतृत्वाखालील पथकाने ही कारवाई यशस्वी केली.
तरूणाला बेदम मारहाण करून ऑनलाईन रक्कम वर्ग करून घेतली,पाचजणांविरूद्ध गुन्हा दाखल
तरूणाला बेदम मारहाण करीत त्यांच्याकडील फोनद्वारे ८५ हजार रूपये ऑनलाईन वर्ग करून घेत टोळक्याने इतर साहित्याची चोरी केली आहे. ही घटना आंबेगाव बुद्रूकमधील सिंहगड कॅम्पसमधील शांताई हाईटसमध्ये घडली आहे. याप्रकरणी पाचजणांविरूद्ध भारती विद्यापीठ पोलीस ठाण्यात गुन्हा दाखल करण्यात आला आहे.
प्रियंका अनिल शेळके (वय ३१, रा. वाघपूर, तासगाव सांगली) हरीराम कदम, सयाजी पाटील, विशाल जाधव, संदीप रासकर अशी गुन्हा दाखल झालेल्यांची नावे आहेत. याप्रकरणी सुधीर अर्जुन पाटील (वय ३४, रा. आंबेगाव बुद्रूक) यांनी फिर्याद दाखल केली आहे.
पोलिसांनी दिलेल्या माहितीनुसार, तक्रारदार सुधीर पाटील हे आंबेगाव बुद्रूकमधील शांताई हाईटसमध्ये राहायला आहेत. त्यांच्या ओळखीतील आरोपींनी घरात प्रवेश केला. टोळक्याने त्यांना बेदम मारहाण करीत ऑनलाईन फोनपेद्वारे तब्बल ८५ हजार रूपये वर्ग करून घेतले. त्यानंतर टोळक्याने त्यांच्या बँगेतील ४२ हजारांची रोकड, लॅपटॉप, इतर ऐवज मिळून १ लाख २७ हजारांची चोरी केली. याप्रकरणी सहायक पोलीस निरीक्षक एस परदेशी तपास करीत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
