महाराष्ट्र लोकसेवा आयोगाने जानेवारी 2023 मध्ये संयुक्त गट ब आणि गट क भरतीसाठी 8169 पदांची जाहिरात प्रसिद्ध केली होती. या भरती अंतर्गत लिपिक/टंकलेखक 7007 आणि कर सहाय्यक 468 पदे भरण्यात येणार होती. मात्र, सर्व परीक्षा पूर्ण होऊनही तब्बल ६ महिने निवड या
.
विद्यार्थ्यांच्या भावना लक्षात घेऊन आमदार हेमंत रासने यांनी राज्याचे मुख्यमंत्री देवेंद्र फडणवीस यांना निवेदन सादर करून या प्रक्रियेस गती देण्याची विनंती केली. मुख्यमंत्र्यांनी तातडीने लक्ष घालत महाराष्ट्र लोकसेवा आयोगाला आवश्यक निर्देश दिल्याने न्यायालयीन प्रक्रियेत गती आल्याने अखेर निवड यादी जाहीर करण्यात आली आहे. शनिवारी निवड झालेल्या विद्यार्थ्यांनी हेमंत रासने यांची भेट घेऊन त्यांचा सत्कार केला तसेच राज्य सरकारचे आभार मानले.
याबाबत आमदार हेमंत रासने म्हणाले,स्पर्धा परीक्षेच्या तयारीसाठी विद्यार्थी अनेक वर्ष मेहनत घेतात. परंतु संपूर्ण परीक्षा पार पडून देखील भरती रखडल्याने विद्यार्थ्यांमध्ये चिंता होती. हा प्रश्न मुख्यमंत्री देवेंद्र फडणवीस यांच्यापर्यंत पोहोचवून त्यावर तातडीने तोडगा काढण्यासाठी आम्ही प्रयत्नशील होतो. अखेर न्यायालयीन प्रक्रिया संपल्यानंतर निवड यादी जाहीर झाली आणि विद्यार्थ्यांना न्याय मिळाला.
निवड झालेला विद्यार्थी ज्ञानेश्वर गोरे याने सांगितले की,या निर्णयामुळे आम्हा विद्यार्थांना दिलासा मिळाला असून भरती प्रक्रियेतील अत्यंत विलंबामुळे आमची मेहनत वाया जाण्याची भीती होती, परंतु आमदार हेमंत रासने यांची तत्परता आणि मुख्यमंत्री देवेंद्र फडणवीस यांच्याकडून तातडीचे आदेश देऊन न्याय मिळवण्यात मदत केल्याने आमचा विश्वास पुन्हा जागृत झाला आहे. भविष्यात अशा प्रकारच्या विलंबामुळे विद्यार्थ्यांना त्रास होऊ नये, याची काळजी सरकारने घ्यावी.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
