अमरावती येथील हिंदुस्थान वृत्तपत्राचे प्रबंध संपादक विलास अरुण मराठे यांची इंडियन न्यूज पेपर सोसायटीच्या (आयएनएस) कार्यकारिणीवर २३ व्यांदा बिनविरोध निवड झाली आहे. वृत्तपत्र मालकांची ही सर्वोच्च संस्था असून, मराठे यांची ही निवड नुकत्याच झालेल्या वार्ष
.
आयएनएसची वार्षिक सर्वसाधारण सभा गुरुवारी (दोन दिवसांपूर्वी) ऑनलाईन पद्धतीने पार पडली. या बैठकीत कार्यकारीणी सदस्य, अध्यक्ष आणि इतर पदाधिकाऱ्यांच्या निवडीची प्रक्रिया पूर्ण झाली. सभेत विलास मराठे यांची कार्यकारीणी सदस्य म्हणून निवड करण्यात आली.
विलास मराठे यांनी यापूर्वी वृत्तपत्रे आणि प्रसार माध्यमांशी संबंधित राज्य शासनाच्या विभागीय अधिस्वीकृती समितीचे अध्यक्षपद तसेच राज्य समितीचे सदस्यपद भूषविले आहे. सध्या ते विदर्भ साहित्य संघाच्या अमरावती शाखेचे अध्यक्ष आहेत. याव्यतिरिक्त, ते विदर्भाची कुलस्वामिनी श्री अंबादेवी संस्थानचे कोषाध्यक्ष, सातुर्णा औद्योगिक वसाहत सहकारी संस्थेचे संचालक आणि जोग चॅरिटेबल ट्रस्टचे सचिव म्हणूनही कार्यरत आहेत. त्यांनी भारत सरकारच्या माहिती व जनसंपर्क मंत्रालयाच्या डीएव्हीपीचे सदस्य म्हणूनही काम केले आहे.
त्यांच्या या विक्रमी निवडीबद्दल पश्चिम विदर्भातील पत्रकार वर्तुळात आनंद व्यक्त होत आहे. समाजातील सर्व स्तरांतून त्यांच्यावर अभिनंदनाचा वर्षाव होत आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
