कोणत्याही कलाकारास त्याची सर्वोत्तम भूमिका कोणती असे विचारल्यास त्याचे उत्तर देणे अवघड असते. कारण शेवटच्या प्रेक्षकांपर्यंत आपली भूमिका पोहोचविणे हे खऱ्या कलाकाराचे एकमेव उद्दिष्ट असते. रसिकांच्या मनात त्या कलाकाराच्या एखाद्या भूमिकेने घर केलेले असेल
.
यावेळी संयोजक लीना गोगटे आणि अविनाश ओगले यांनी रवींद्र मंकणी यांच्याशी प्रकट मुलाखतीद्वारे संवाद साधला. यावेळी बोलताना रवींद्र मंकणी म्हणाले की, सीओईपी सारख्या नावाजलेल्या अभियांत्रिकी महाविद्यालयातून सिव्हील इंजिनिअरिंगचे शिक्षण घेतलेल्या मला अभिनयाने खेचून घेतले. यामागे शालेय जीवनात मी करीत असलेल्या भूमिकांना शिक्षकांनी दिलेले प्रोत्साहन हे एक कारण होते. घरातही साहित्य, संस्कृती आणि कलेचे वातावरण असल्याने तसेच आई-वडिलही अभिनय क्षेत्रात असल्याने बालवयात माझ्यावर नाट्यसंस्कार झाले. मी मला मिळत गेलेल्या भूमिकांमध्ये सातत्याने नाविण्याचा शोध घेत राहिलो. त्या भूमिकेच्या सादरीकरणात सातत्याने नवनवीन प्रयोग करीत ती भूमिका प्रेक्षकांपर्यंत पोहोचविण्याचा प्रयत्न करीत राहिलो.
माधव वझे म्हणाले की, प्रेक्षकांसमोर नाट्यकर्मी आणि नाट्यकर्मींसमोर प्रेक्षक असल्याशिवाय नाटक होऊ शकत नाही, या मतावर मी आजही ठाम असलो तरी, काळाची पाऊले ओळखत नाटक जीवंत राहण्यासाठी जे जे मार्ग अवलंबता येतील ते ते मार्ग अवलंबले पाहिजे, असे मला वाटते. या ऑनलाईन एकांकिका स्पर्धेला चार खंडातून आणि दहा देशातून आलेल्या २८ एकांकिकांच्या प्रवेशिका हा अभूतपूर्व प्रतिसाद असून मराठी माणूस किती नाटकवेडा आहे, याचेच हे द्योतक आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
