Vaishnavi Hagawane Death Case: वैष्णवीच्या बाळाची हेळसांड करणाऱ्या निलेश चव्हाणला घेऊन पोलीस पिंपरी चिंचवडमध्ये पोहचलेत. गेले दहा दिवस पोलिसांना गुंगारा देणाऱ्या निलेशला नेपाळच्या सीमेवरून बेड्या ठोकण्यात आल्या. वैष्णवीच्या बाळाची हेळसांड केल्याचा निलेश चव्हाणवर आरोप आहे. नेपाळमध्ये अटक केल्यानंतर विमानाने पिंपरी चिंचवड पोलिसांनी त्याला मध्यरात्री अडीच वाजता पुण्यात आणलं. येथे निलेश राहत असलेल्या कर्वे नगरच्या घरी त्याला पोलीस घेऊन आले. तेथे त्याची चौकशी करण्यात आली. या तपासात पोलिसांना धक्कादायक गोष्टी सापडल्या.
निलेश चव्हाणची थेरगाव रुग्णालयात वैद्यकीय चाचणी पूर्ण झाली. वैद्यकीय चाचणीनंतर पहाटे 4 वाजता बावधन पोलिसांकडे निलेश चव्हाणचा ताबा देण्यात आला. गेले दहा दिवस तीन राज्यातून प्रवास करत तो नेपाळमध्ये पोहोचला होता. तिथून पुन्हा एकदा भारत आणि नेपाळच्या सीमेवरील सुनौलीत तो आला अन तिथंच पिंपरी चिंचवड पोलिसांच्या गुन्हे शाखा आणि ऍन्टी गुंडा स्कॉडने बेड्या ठोकल्या. निलेश चव्हाण हा कोकण मार्गे मुंबई आणि तिथून तो दिल्लीला पळाला. पुढे दिल्लीतून तो तसाच गोरखपूर मार्गे नेपाळ बॉर्डर क्रॉस करून देशाबाहेर पळून जाणार होता. पण पिंपरी चिंचवडच्या गुन्हे शाखेने त्याला नेपाळ बॉर्डर क्रॉस करायच्या आधीच सोनवली गावातून पकडला. हे ठिकाण युपीच्या गोरखपूर जिल्ह्यातून पुण्यात आणलं आहे. मुंबई कर्जत रायगड बाय रोड दिल्ली गोरखपूर, सोनवली (उत्तर प्रदेश) भैरवा (नेपाळ) काठमांडू, परत भैरवा परत सोनवली (उत्तर प्रदेश) येथे त्याला अटक करण्यात आली.
3 जूनपर्यंत पोलीस कोठडी
निलेश चव्हाण याला पोलीस कोठडी मिळाली आहे. त्याला 3 जूनपर्यंत पोलीस कोठडीत ठेवण्याचे आदेश शिवाजीनगर न्यायालयाने दिले. शुक्रवारी पिंपरी चिंचवड पोलिसांनी त्याला नेपाळमध्ये अटक करुन शनिवारी पहाटे पुण्यात आणले होते. निलेश चव्हाण हा गेल्या 10 दिवसांपासून फरार होता. त्याच्या शोधासाठी पोलिसांची सहा पथके रवाना झाली होती. अखेर शुक्रवारी त्याला नेपाळ सीमेजवळ अटक करण्यात आले. त्यानंतर विमानाने पुण्यात आणण्यात आले. त्याची वैद्यकीय चाचणी करण्यात आल्यावर शनिवारी सकाळी 10 वाजता पुणे येथील शिवाजीनगर न्यायालयात आणले. यावेळी पोलिसांनी निलेश चव्हाण याला पाच दिवसांची पोलीस कोठडी द्यावी, अशी मागणी कोर्टात केली. न्यायालयाने दोन्ही बाजूंचा युक्तीवाद ऐकल्यानंतर 3 जूनपर्यंत पोलीस कोठडी दिली आहे.
निलेशच्या घरात पोलिसांना काय सापडलं?
निलेशच्या घरात पोलिसांनी 3 मोबाईल फोन, शस्त्र परवाना, पिस्तूल आणि पासपोर्ट या वस्तू जप्त केल्या. पोलिसांकडून निलेशची कसून चौकशी केली जातेय. धक्कादायक म्हणजे वैष्णवीचा पती शशांक, सासू लता आणि नणंद करिश्मा हगवणे या तिघांचे मोबाईल निलेशच्या घरी आढळून आले. निलेश चव्हाणकडून याआधी 3 मोबाईल जप्त केले. शनिवारी आणखी 3 फोन जप्त केले. जप्त मोबाईल फॉरेन्सिक लॅबकडे तपासासाठी पाठवण्यात आल्याची माहिती बावधनचे वरिष्ठ पोलीस निरीक्षक अनिल विभुते यांनी दिली.
निलेश चव्हाणचा ‘तो’ व्हिडीओ
निलेश चव्हाणविरोधात गुन्हा दाखल झाल्यानंतर तो पुण्यातून फरार झाला होता. वैष्णवी यांच्या आई आणि वडिलाला बंदूक दाखवून त्यांना धमकी दिली होती त्यानंतर तो फरार झाला होता. निलेश चव्हाण कसा पळाला त्याची सीसीटीव्ही दृश्य समोर आली आहे. एका खासगी ट्रॅव्हल्समधून निलेश चव्हाण पळालाय. त्याचा सीसीटीव्ही समोर आला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
