Vaishnavi Hagwane Suicide: वैष्णवी हगवणे आत्महत्या प्रकरणात धक्कादायक ट्वीस्ट समोर आला आहे. वैष्णवी मृत्यूप्रकरणी हगवणे बाप-लेकाला शिवाजीनगर कोर्टानं 28 मेपर्यंत पोलीस कोठडी सुनावली आहे. राजेंद्र हगवणे आणि सुशील हगवणे यांना 5 दिवस पोलीस कोठडीत रहावे लागणार आहे. वैष्णवी हगवणेनं 16 मे रोजी आत्महत्या केल्यानंतर तिच्यावर 17 मे रोजी अंत्यसंस्कार करण्यात आले. दरम्यान, पोलिसांच्या रिमांड कॉपीत हत्येचा संशय व्यक्त करण्यात आला आहे.
१ दाखल गुन्हा हा महिला अत्याचाराविरुध्दचा व गंभीर स्वरुपाचा आहे.
२. यातील मयत महिलेच्या अंगावर मारहाणीच्या खुणा आढळुन आल्या आहेत त्यावरुन फिर्यादी यांना सदर महिलेचा खुन केल्याचा संशय व्यक्त केला आहे. तसेच शवविच्छेदनानंतर मूत्युचे कारण death due to ligature compression of neck, with evidence of multiple blunt injuries over body, viscera and articles preserved for chemical analysis असे दिले असुन त्याबाबत पोस्टमार्टम रिपोर्ट प्राप्त करुन त्याबाबत तपास करणेकामी.
३. यातील मयताच्या इन्क्वेस्ट पंचनाम्यान्वये दिसुन आलेल्या जखमांचे वर्णन पाहता मयतास वेगवेगळ्या हत्यारांनी मारहाण केल्याचे दिसुन येत आहे त्यापैकी एक प्लॅस्टीक पाईप हे आरोपी क्र. १ याने दिलेल्या निवेदनावरुन हस्तगत करण्यात आले असुन आरोपी क्र. ४ व ५ यांनी सुध्दा मयत महिलेस मारहाण केली असुन त्याबाबत तपास करणे कामी.
४. नमुद गुन्ह्यातील अटक आरोपींनी ज्या अर्थी यातील मयत विवाहीतेचा पैशासाठी छळ केला होता त्याबाबत अटक आरोपी क्र. ४ व ५ यांचेकडे तपास करणे कामी.
५. नमुद आरोपी क्र. १ यांच्याकडुन लग्नाच्या वेळी हुंडा म्हणुन देण्यात आलेले फॉरच्युनर कार व अॅक्टीवा मोपेड गाडी जप्त केली असुन आणखी कोणती गाडी अगर किमती वस्तु हुंडा म्हणून दिली आहे काय याबाबत आरोपी क्र. ४ व ५ यांचेकडे तपास करणे कामी.
६. यातील मयत महिलेला स्त्रीधन म्हणून दिलेले ५१ तोळे सोने हे आरोपींनी फेडरेल बैंकेत तारण म्हणुन कोणत्या कारणासाठी ठेवले आहे तसेच त्यासाठी मयत महिला हिची परवानगीने ठेवले किंवा कसे तसेच ते सोने तारण ठेवण्यासाठी तिचा छळ करुन तिच्याकडुन सोने घेतले किंवा कसे तसेच सोने तारण ठेवण्यामागे आरोपींचा काय उद्देश होता याबाबत तपास करणेकामी.
७. यातील पाहिजे आरोपी राजेंद्र हगवणे यांचे कार्यालय पत्ता भुकुम, ता. मुळशी, जि.पुणे याचे इंटेरियर डिझाईनचे काम महेश परांडे यांनी केले असुन त्याचे पैसे यातील आरोपींनी फिर्यादी यांना देण्यास भाग पाडले आहे. याबाबत आरोपी क. ४ व ५ यांचेकडे तपास करणेकामी.
८. यातील आरोपी क्र. ४ व ५ यांनी गुन्हा केला पासुन फरार होते त्या कालावधीत त्यांना कोणी मदत केली आहे अगर कसे ? याबाबत तपास करणे कामी.
९. यातील आरोपी क्र. ४ व ५ यांनी पळुन जाण्यासाठी कोणती वाहने वापरलेली आहेत त्याबाबत तपास करणे कामी.
१०. याती आरोपी क्र. ४ व ५ यांना फरार कालावधीमध्ये कोणी आर्थिक मदत केली आहे काय याबाबत तपास करणे कामी.
११. यातील आरोपी क्र. ४ व ५ हे गुन्हा दाखल झाल्यानंतर कोठे कोठे राहण्यास होते व त्या कालावधीत त्यांनी आणखी कोणता गुन्हा केला आहे काय याबाबत तपास करणेकामी. १२. दाखल गुन्हयाचे ऐनवेळी उपस्थित होणा-या मुददयांवर सखोल तपास करणे आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
