राष्ट्रवादी कॉंग्रेस शरद पवार गटातील काही आमदार अजित पवारांच्या राष्ट्रवादी कॉंग्रेसमध्ये जाणार असल्याच्या चर्चा सध्या सुरू आहेत. तसेच पवार कुटुंब एकत्र येणार असल्याच्या देखील चर्चा महाराष्ट्राच्या राजकीय वर्तुळात सुरू आहेत. यावर शरद पवार गटाचे आमदार
.
पुढे बोलताना रोहित पवार म्हणाले, कामे होण्यासाठी सत्तेत गेले पाहिजे असे काही ठराविक आमदारांचे म्हणणे असू शकते. तसेच ठराविक काही आमदारांमध्ये चर्चाही झाली असावी. त्या चर्चेवर शरद पवार साहेबांनी एका वृत्तपत्राला दिलेल्या मुलाखतीत बोलले असावेत, असे मला वाटते. तसेच यावेळी रोहित पवारांना विचारण्यात आले की तुम्हाला यावर काय वाटते, यावर बोलताना रोहित पवार म्हणाले की शरद पवार साहेबांनी जर आम्हाला विचारले तर नक्कीच मी तिथे माझे मत मांडेल. आत्ता यावर बोलणे योग्य नाही.
शरद पवारांनी म्हटले होते की दोन्ही राष्ट्रवादी एकत्र येण्यावर सुप्रिया सुळे किंवा इतर मंडळी निर्णय घेतील. यावर रोहित पवार म्हणाले, यावरून एक गोष्ट लक्षात घ्या की पवार साहेब आता कुठेतरी सांगत आहेत की पुढच्या पिढीला आम्ही काही जबाबदारी देणार आहोत. पुढची पिढी याबाबत निर्णय घेतील. सुप्रिया ताई या कार्याध्यक्षा आहेत, त्यांच्याकडे देशाची देखील जबाबदारी तिथे आहे. सुप्रिया ताई जेव्हा बैठक घेतील त्या बैठकीत काय निर्णय घेतला जातो हे मी नक्कीच तुम्हाला सांगेल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
