
महानगरपालिका निवडणुकांच्या पार्श्वभूमीवर दहीहंडी उत्सवावर राजकीय छाप पहायला मिळाली. पारंपरिक ढोलताशे आकर्षक विद्युत रोषणाईत तरुणाईने ठेका धरला. रिमझीम पावसात उत्साह शिगेला पोहोचला असतानाच भिंगारसह पुणे, मुंबईच्या गोविंदा पथकांनी एंट्री केली. सिने अभि
.
श्रीकृष्ण जन्माष्टमीनिमित्त शहरात दरवर्षीप्रमाणे यंदाही मोठ्या उत्साहात दहीहंडी उत्सव साजरा करण्यात आला. या उत्सवासाठी महिनाभर अगोदरपासूनच मंडळांनी तयारी केली होती. सेलिब्रेटिंच्या तारखा, ढोल पथके आदींचे नियोजन आखण्यात आले होते. मागील काही दिवसांपासूनच चौकाचौकात फ्लेक्स बोर्ड लावले. शहरात मल्हार चौक, चौपाटी कारंजा, केडगाव, सर्जेपुरा, गंगा उद्यान चौक, संघर्ष चौक, शिवनेरी चौकात मोठी दहिहंडी उत्सवाची मोठी गर्दी पहायला मिळाली. अहिल्यानगरमधील उत्सवात मुंबई, पुणे, कल्याण येथील गोविंदा पथकांनी रचलेल्या थरांचा थरार अहिल्यानगरकरांनी अनुभवला. तर सर्जेपुरातील राधाकृष्ण मंदिरात विविध धार्मिक कार्यक्रमांचे आयोजन करण्यात आले.
अजिंक्य युवा प्रतिष्ठानच्या उत्सवात अभिनेत्री सोनल चव्हाण, इंगळे प्रतिष्ठानच्या वतीने अभिनेता आकाश ठोसर, शिवनेरी चौकात आरोही पवार, चौपाटी कारंजा येथील चंद्रशेखर आझाद युवा प्रतिष्ठानच्या उत्सवात खुशी माळी या सेलिब्रिटींनी हजेरी लावून उत्साह द्विगुणीत केला. नालेगाव चौकात भूमिपूत्र प्रतिष्ठानच्या माध्यमातून हिंदुत्वाची दहीहंडी उत्सवाचे आयोजन करण्या आले. दरम्यान, विविध मंडळांमध्ये आ. संग्राम जगताप, नगरसेवकांचे फलक दिसून आले. शहरात डी.जे च्या तालावर गोविंदांनी ताल धरत थिरकले. पावसामुळे गोविंदाचा उत्साह आज शिगेला पोहोचला असल्याचे दिसून आले अजिंक्य युवा प्रतिष्ठानची दहिहंडी सात थर लावून फोडण्यात आली. छाया : सिद्धार्थ दीक्षित
पावसाने वाढवली रंगत शहरातील प्रमुख चौकांमद्ये दहिहंडी उत्सव संयोजकांनी स्टेज लावले. तसेच आकर्षक विद्युत रोषणाई केली. परंतू, दुपारनंतर शहर व उपनगरात पावसाने जोरदार हजेरी लावली. पावसाची रिमझीम सुरू असली तरी उत्साह तसुभरही कमी झाला नाही. उलट पावसाने या उत्सवात रंगत वाढवल्याचे पहायला मिळाले. दरम्यान, शहरातील अंतर्गत भागात मात्र, काही ठिकाणी वाहतूक कोंडी झाल्याचे पहायला मिळाले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.



