शाळेत विद्यार्थ्यांसाठी पुरवठा करण्यात आलेला तांदळाचा ट्रक शाळेत न जाता सरळ काळ्याबाजारात विक्रीसाठी खरबी येथील राईस मिलमध्ये पोहोचला. या प्रकरणी स्थानिक गुन्हे शाखा, शिक्षण विभाग आणि जवाहरनगर पोलिसांनी संयुक्तपणे कारवाई करून १४.८३ लाखांचा माल जप्त क
.
प्रकरण असे आहे की, शालेय विद्यार्थ्यांचा शालेय पोषण आहाराचा तांदुळ हा शासकीय पद्धतीप्रमाणे शाळेत पोहचविण्याची जबाबदारी असताना आरोपी अमित वाघ (वय ३९) व अनिल रणदिवे (वय ३४) रा. दोन्ही नागपूर यांनी संगणमत करून ट्रकद्वारे आणलेला तांदूळ कोणत्याही शाळेत वितरित केला नाही. शालेय पोषण आहाराचे तांदुळ शासकीय पद्धतीप्रमाणे वाटप करणारे वाहनामध्ये (ट्रक क्र. एमएच ४०/एके २६९१) जीपीएस यंत्रणा न लावता, वाहनांवर शालेय पोषण आहाराचा स्पष्ट फलक न लावता, वाहनामध्ये शाळेत तांदुळ उतरवण्यासाठी कोणताही मजुर न ठेवता व कोणत्याही नियमांचे पालन न करता २१० नग तांदळाचे गोण्या (प्रत्येकी ५० किलो) असा एकूण १० हजार ५०० किलो तांदूळ (प्रती किलो ४६ रुपये) खरबी येथे गोवरी मार्गावर सनिल गिऱ्हेपुंजे यांच्या राइस मिलच्या गोडाउनसमोर आणला. याप्रकाराची माहिती मिळाल्याने स्थानिक गुन्हे शाखा, शिक्षण विभागाचे अधिकारी, दहशतवाद विरोधी पथकाचे अधिकारी आणि जवाहरनगर पोलिसांनी घटनास्थळी छापा टाकून आरोपींसह ट्रक आणि त्यातील २१० गोण्या तांदूळ ताब्यात घेतले.
या तांदळाची किंमत ४.८३ लाख रुपये आणि ट्रक (क्रमांक एमएच ४०/एके २६९१) किंमत १० लाख रुपये जप्त केले आहे. यातील दोन्ही आरोपी स्वतःच्या आर्थिक फायद्यासाठी पोषण आहाराचे तांदूर सुनिल गिऱ्हेपंुजे यांना विकण्याच्या प्रयत्न करताना मिळून आले आहे.याबाबत विस्तार अधिकारी शिल्पा निखाडे यांच्या तक्रारी वरून जवाहरनगर पोलिसांनी गुन्हा नोंद केला आहे
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
