अमरावती जिल्हा परिषद शिक्षक सहकारी बँकेच्या बेकायदेशीर कारभाराविरोधात बँक विकास आघाडीने आज बुधवार, २६ मार्चपासून बेमुदत उपोषण सुरू केले आहे. बँक विकास समितीचे पदाधिकारी आणि माजी संचालक प्रभाकर झोड यांच्या नेतृत्वाखाली हे आंदोलन सुरू आहे.
.
विभागीय सहनिबंधक बँकेच्या कारभाराकडे नियंत्रक म्हणून दुर्लक्ष करत असल्याचा आरोप आंदोलकांनी केला आहे. गेल्या पंधरवड्यात धरणे आंदोलन करूनही कोणतीही कारवाई न झाल्याने हे बेमुदत उपोषण सुरू करण्यात आले आहे.
शिक्षक बँक ही सहकार कायद्यानुसार पगारदार कर्मचाऱ्यांची बँक आहे. सेवानिवृत्तीनंतर पदावर राहता येत नसतानाही विद्यमान अध्यक्षांनी बँकेला नागरी बँक बनवण्याचा प्रयत्न केला आहे. विभागीय सहनिबंधकांनी याला मंजुरी दिल्यास ते बेकायदेशीर ठरेल, असे आघाडीचे म्हणणे आहे.
या आंदोलनाला अमरावती जिल्ह्यातील अनेक शिक्षक संघटना आणि सामान्य सभासदांनी पाठिंबा दिला आहे. जिल्हाभरातील शिक्षक संघटनांचा समावेश असलेल्या बँक विकास आघाडीने मागण्या पूर्ण होईपर्यंत आंदोलन सुरू ठेवण्याचा इशारा दिला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
