पैठण शहरालगत शहागड रस्त्यावरील एका वीटभट्टीवर काम करणाऱ्या १४ मजुरांना विषबाधा झाली. रविवारी (१८ मे) सकाळी सुमारे ७ वाजता हा प्रकार समोर आला आहे. यामध्ये एका महिलेचा मृत्यू झाला असून उर्वरित 12 मजुरांवर शहरातील एक खासगी रुग्णालयात उपचार सुरू आहेत. ललिता प्रेमलाल पालविया असे मृत महिलेचे नाव असून ती मध्य प्रदेशातील रहिवासी असल्याची माहिती पोलिस निरीक्षक संजय देशमुख यांनी दिली. शिळे मासे आणि चिकन खाल्ल्याने विषबाधा झाल्याचा प्राथमिक अंदाज व्यक्त करण्यात येत आहे. मिळालेल्या माहितीनुसार, पैठण शहरालगत शहागड रोडवर अनेक वीटभट्ट्या आहेत. या ठिकाणी मध्य प्रदेश येथील मजूर काम करतात. शुक्रवारच्या आठवडा बाजारातून मजुरांनी चिकन, मासे खाण्यासाठी घेतले. या कामगारांनी शनिवारी देखील तेच शिळे चिकन खाल्ले. त्यानंतर रविवारी सकाळी अनेक मजुरांना उलटी, मळमळ, पोटदुखी आणि अशक्तपणाचा त्रास जाणवू लागला. विषबाधा झालेल्यांमध्ये ललिता पालविया यांची प्रकृती अत्यवस्थ होती. त्यांना तातडीने रुग्णालयात दाखल करण्यात आले, मात्र उपचारापूर्वीच त्यांचा मृत्यू झाला. उपचार घेत असलेले मजूर पुढीलप्रमाणे या सर्वांची प्रकृती स्थिर असून उपचारानंतर त्यांना रुग्णालयातून घरी सोडण्यात येईल, असे डॉक्टरांनी सांगितले आहे. शिळे चिकन खाल्ल्याने विषबाधा “शुक्रवारी घेतलेले चिकन आमच्याकडून शनिवारी रात्री शिजवून खाल्ले गेले. त्यानंतरच सगळ्यांना त्रास होऊ लागला.” असे रुग्णालयात उपचार घेत असलेल्या मंगल ठाकरे यांनी सांगितले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
