अमरावती जिल्हा परिषदेच्या लिपीक वर्गीय कर्मचारी संघटना आणि कर्मचारी युनियनने एक वेगळा उपक्रम राबवला. शिवजयंतीनिमित्त शिवफेरीत सहभागी झालेल्या नागरिक आणि पादचाऱ्यांसाठी त्यांनी सायंस्कोर मैदानाच्या प्रवेशद्वाराजवळ भज्यांचे मोफत वितरण केले.
.
सकाळी ११.३० पासून दुपारी २.३० पर्यंत हा कार्यक्रम सुरू होता. स्टॉलमध्येच ताजे भजी तळून ते लगेच वितरित करण्यात आले. जिल्हा परिषदेच्या सामान्य प्रशासन विभागाचे उपमुख्य कार्यकारी अधिकारी बाळासाहेब बायस यांच्या हस्ते भजी वितरणाचा शुभारंभ करण्यात आला.
२०१२ पासून छत्रपती शिवाजी महाराज जयंतीनिमित्त अल्पोहार वाटपाची ही परंपरा सुरू आहे. दरवर्षी वेगवेगळे पदार्थ वितरित केले जातात. यंदा २ क्विंटल बेसनाचे भजी तयार करून वाटण्यात आले.
या उपक्रमाच्या यशस्वीतेसाठी संघटनांचे जिल्हाध्यक्ष पंकज गुल्हाने, सचिव संजय राठी, कोषाध्यक्ष श्रीकांत मेश्राम यांच्यासह संपूर्ण कार्यकारिणीने योगदान दिले. संयोजक किरण खांडेकर, प्रसिद्धी प्रमुख हेमंत यावले, जि.प. शिक्षक सहकारी बँकेचे संचालक विजय कोठाळे यांनीही महत्त्वपूर्ण भूमिका बजावली. नितीन माहोरे, बाळासाहेब मोथरकर, विजय कविटकर, मंगेश मानकर, निलेश तालन, संजय येऊतकर, दीपाली पडोळे, अपर्णा आत्राम, ज्योती गावंडे, दिनेश राऊत, योगेश वानखडे, योगेश मालवीय आणि अभिजित कोल्हे यांनीही कार्यक्रमाच्या यशस्वी आयोजनात सहभाग घेतला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
