शेअर बाजारात गुंतवणुकीचे आमिष दाखवून सायबर चोरट्यांनी शहरातील चार वेगवेगळ्या घटनांमध्ये ८४ लाख रुपयांची फसवणूक केल्याचे समोर आले आहे. याप्रकरणी पोलिसांनी अनोळखी चोरट्यांविरुद्ध गुन्हे दाखल केले आहेत.सिंहगड रस्ता परिसरातील माणिकबाग येथे राहणाऱ्या एका
.
पैसे जमा केल्यानंतरही परतावा न मिळाल्याने ज्येष्ठ नागरिकांनी चोरट्यांशी संपर्क साधण्याचा प्रयत्न केला, परंतु त्यांना कोणताही प्रतिसाद मिळाला नाही. आपली फसवणूक झाल्याचे लक्षात आल्यानंतर त्यांनी सिंहगड रस्ता पोलीस ठाण्यात तक्रार दाखल केली. गुन्हे शाखेचे पोलीस निरीक्षक उल्हास कदम या प्रकरणाचा तपास करत आहेत.दुसऱ्या एका घटनेत, वाघोली भागातील एका तरुणाची शेअर बाजारात गुंतवणुकीच्या आमिषाने २४ लाख ८१ हजार रुपयांची फसवणूक झाली आहे. या तरुणाने वाघोली पोलीस ठाण्यात फिर्याद दिली असून, वरिष्ठ पोलीस निरीक्षक युवराज हांडे पुढील तपास करत आहेत.
याचप्रकारे बिबवेवाडी येथील एका ४१ वर्षीय महिलेची १० लाख ८९ हजार रुपयांची फसवणूक झाली आहे. याबाबत बिबवेवाडी पोलीस ठाण्यात गुन्हा दाखल करण्यात आला असून, गुन्हे शाखेचे पोलीस निरीक्षक सूरज बेंद्रे तपास करत आहेत. कोंढवा भागातील एका तरुणाचीही शेअर बाजारात गुंतवणुकीच्या आमिषाने १० लाख ९८ हजार रुपयांची फसवणूक झाली असून, कोंढवा पोलीस ठाण्यात गुन्हा दाखल करण्यात आला आहे. गुन्हे शाखेचे पोलीस निरीक्षक नवनाथ जगताप या प्रकरणाचा तपास करत आहेत.
एपीके फाईल पाठवून व्यावसायिकाची फसवणूक
एका व्यावसायिकाच्या मोबाइलवर प्रादेशिक परिवहन विभागाकडून (आरटीओ) दंडात्मक कारवाई करण्यात आल्याचे चलन एपीके फाईलच्या माध्यमातून पाठवून अडीच लाख रुपयांची फसवणूक करण्यात आल्याचा प्रकार उघडकीस आला आहे. याबाबत एका व्यावसायिकाने भारती विद्यापीठ पोलीस ठाण्यात फिर्याद दिली आहे. तक्रारदार व्यावसायिक तरुण कात्रज भागातील खोपडेनगर भागात राहायला आहे. चोरट्यांनी त्याच्या मोबाइल क्रमांकावर दंडात्मक चलन असलेली एपीके फाईल ६ सप्टेंबर रोजी पाठविली होती. तरुणाने संबंधित फाईल उघडली. तेव्हा त्यात ५०० रुपये दंड असल्याचे नमूद करण्यात आले होते. तरुणाने ही फाईल पुन्हा उघडली. तेव्हा चोरट्यांनी तरुणाच्या बँक खात्याची मााहिती घेतली. गोपनीय माहितीचा गैरवापर करुन चोरट्यांनी तरुणाच्या खात्यातून दोन लाख ५५ हजार रुपये लांबविले. त्यानंतर तरुणाने सायबर पोलिसांकडे तक्रार दिली. वरिषठ पोलीस निरीक्षक राहुल खिलारे तपास करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
