उपमुख्यमंत्री अजित पवार हे आज परभणी दौऱ्यावर आहेत. एक रुपया पिक विमा योजनेला शेतकऱ्यांनी लावला चुना या त्यांच्या वक्तव्याचा तीव्र निषेध करत काँग्रेसच्या कार्यकर्त्यांसह भाकपच्या पदाधिकाऱ्यांनी शनिवारी सकाळी जिल्हा कचेरीच्या प्रवेशद्वारावर अजित पवार य
.
दरम्यान कर्जमाफी झाली पाहिजे, पिकविमा भरपाई दिली पाहिजे या मागणीसाठी चुन्याच्या डब्या फेकणाऱ्या आंदोलकांना पोलिसांनी तातडीने काँग्रेस आणि भाकपच्या पदाधिकाऱ्यांना ताब्यात घेतले. यानंतर अजित पवारांचा ताफा जिल्हाधिकारी कार्यालयाकडे मार्गस्थ झाला.
अजितदादा तुमच्यावर चुना नक्की फेकणार
भाकप नेते राजन क्षीरसागर म्हणाले की, कर्जमाफीचे आश्चासन देत शेतकऱ्यांचे मते घेतात आणि सत्तेमध्ये बसल्यावर वसुली अधिकारी दारामध्ये पाठवतात. सभागृहात मुद्दाम शेतकऱ्यांना पैसे भरा म्हणून सांगतात. हमी भावापेक्षा कमी भावाने सोयाबीन खरेदी करतात. तूर, कापसाची वाट लावत शेतकऱ्यांना कर्जबाजारी करत वसूलीच्या धमक्या देत असाल तर हे चालणार नाही.
भाकप नेते राजन क्षीरसागर म्हणाले की,1 रुपयात पिकविमा म्हणत पिकविमा कंपन्याची घरे भरता आणि योजनेला शेतकऱ्यांनी चुना लावला असे म्हणतात. अजितदादा सिंचन घोटाळ्यामध्ये महाराष्ट्राला चुना लावण्याचे काम तुम्ही केले आहे. आम्ही तुमच्यावर चुना नक्कीच फेकणार आणि गावागावात तुम्हाला विरोध करणार. शेतकरी कर्जमाफी दिलीच पाहिजे, विमा भरपाई दिलीच पाहिजे, अशी मागणी त्यांनी केली आहे.
जिल्ह्यात गुनवत्तेची कामे होतील
अजित पवार म्हणाले की, राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि मी तिघे मिळून राज्याचा कारभार सुरळीत आणि स्वच्छ चालला पाहिजे यासाठी काम करत आहोत. त्यामुळे येणाऱ्या काळात जिल्ह्यात जी काही कामे होतील ती गुणवत्तेची आणि पारदर्शक झाली पाहिजेत, कसल्याही कामात भ्रष्टाचार झाला नाही पाहिजे आणि जर भ्रष्टाचार झाला, तर संबंधित विभागाच्या अधिकाऱ्याला जबाबदार धरले जाईल आणि त्यांच्यावर कारवाई केली जाईल.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
