शहरात १९८५ पासून सुरू असलेली मानाची शोभायात्रा श्रीराम नवमी शोभायात्रा समितीद्वारा काढण्यात येते. यंदाही त्याची तयारी पूर्ण झाली आहे. रविवार, ६ एप्रिलला सायंकाळी ४:३० वाजता ही शोभायात्रा काढण्यात येणार आहे. शोभा यात्रेसाठी विविध समित्या गठीत केल्या आ
.
रविवारी सीतारामबाबा मंदिर प्रांगण, बालाजी प्लॉट येथे दुपारी ४:३० वाजता पूजेचे मुख्य यजमान निकिता व जयेश राजे पवार यांच्या हस्ते श्रीराम दरबाराचे पूजन व महाआरती करून उपस्थित संत महंतांचे मार्गदर्शन व आशीर्वाद घेऊन ही शोभायात्रा सायंकाळी ५:३० वाजता सुरू होईल.
श्री शामखाटू नरेश बाबांचा भव्य दरबार तसेच रामरथ, ढोलताशा पथक, वारकरी दिंडी, आदिवासी नृत्य तसेच सामाजिक संदेश देणारे विविध देखावे, हरिपाठ मंडळ, साहसी खेळ, महापुरुषांच्या प्रतिमा हे या शोभायात्रेचे प्रमुख आकर्षण राहील. या शोभायात्रेच्या सुरक्षेसाठी बजरंग दलाचे २५० ते ३०० बजरंगी तसेच महिलांच्या सुरक्षेसाठी दुर्गवाहिनीच्या १०० ते १५० दुर्गा राहतील. शोभायात्रेच्या स्वागतासाठी संपूर्ण शहरात ध्वज, पताका लावले. शोभायात्रेत सहभागी होण्याचे आवाहन विश्व हिंदू परिषद, बजरंग दल, श्रीराम नवमी शोभायात्रा समितीने केले आहे. या पत्रपरिषदेला रोहित देशमुख, दिलीप पोपट, ॲड. प्रशांत देशपांडे, अनुपमा तापडिया, विजया सांगावार, बंटी पारवाणी, विशाल कुलकर्णी, सतीश कुरील, गायत्री निलगिरे उपस्थित होते.
शोभायात्रेचे होणार स्वागत शोभायात्रेला बालाजी प्लॉट येथून प्रारंभ होणार आहे. त्यानंतर राजापेठ, राजकमल, श्याम चौक, जयस्तंभ, सरोज चौक, जवाहरगेट, मार्गे श्री गजानन महाराज मंदिर, वकील लाइन, गांधी चौक येथे आरती करून श्रीराम दरबारची सांगता करण्यात येईल. शोभायात्रेच्या मार्गावर ठिकठिकाणी प्रसाद वाटप तसेच शोभायात्रेच्या मार्गाने आपापले घर व प्रतिष्ठानासमोर रांगोळी काढून, दिवे लावून, पुष्पवर्षाव करून शोभायात्रेचे स्वागत करण्यात येणार आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
