आणखी एका घटनेत, महाराष्ट्रातील हिंगोली जिल्ह्यातील एका फळ विक्रेत्याला त्याच्या गाडीजवळील कॅरी बॅगमध्ये लघवी करताना कॅमेऱ्यात कैद करण्यात आले. व्हिडिओमध्ये तो थेट कॅरी बॅगमध्ये लघवी करताना दिसत आहे. व्हिडिओ समोर आल्यानंतर पोलिसांनी विक्रेत्याचा शोध सुरू केला आहे.
नंतर, फेरीवाल्यानं बॅग रस्त्याच्या कडेला फेकून दिली आणि हातही धुतले नाहीत. या घृणास्पद कृत्याबद्दल तीव्र संताप नोंदवण्यात आला आहे. हा व्हिडिओ हिंगोली शहरातील मंगळवार बाजार परिसरातील असल्याचे सांगितले जात आहे. एका व्यक्तीने ही घटना त्याच्या मोबाईलमध्ये कैद केली आहे.
या विक्रेत्यावर कठोर कारवाई करावी अशी मागणी केली जात आहे. हिंगोली पोलिसांनी या घटनेची नोंद घेतली आहे आणि या प्रकरणाचा तपास करत आहे. हिंगोली पोलिसांचा सायबर सेल देखील व्हिडिओची पुष्टी करत आहे.
Hingoli | Viral Video | हिंगोलीत फळ विक्रेता व्यापाऱ्याची रस्त्यावर लघुशंका, किळसवाना व्हिडिओ समोर#Hingoli #fruits #viralvideo #Zee24Taas pic.twitter.com/suHZip6k4l
— ZEE २४ तास (@zee24taasnews) March 26, 2025
पहिल्यांदाच असं घडलं आहे असं नाही. या अगोदरही 2024 मध्ये डोंबिवलीतील फळ विक्रेत्यालाही असंच पकडण्यात आलं. लघवी करुन हात न धुता एक फळ विक्रेता फळं विकत असतानाचा प्रकार कॅमेऱ्यात केद झाला आहे. या घटनेनंतर डोंबिवलीकर आक्रमक झाले आणि त्यांनी फळ विक्रेत्याला चांगलाच चोप दिला. ठाणे पोलिसांना येऊन हा प्रकार थांबवावा लागला.
फळं खरेदी करताना कोणती काळजी घ्याल?
असे प्रकार समोर आल्यावर फळे खरेदी करताना विशेष काळजी घेतली आहे.
फळ खरेदी करताना विश्वासू व्यक्तीकडूनच घ्या.
तसेच फळे खरेदी केल्यावर ती स्वच्छ धुतल्याशिवाय खाऊ नये.
याकडे ही लक्ष द्या
हिंगोळीतील या घटनेनंतर आणखी एका गोष्टीकडे लक्ष देणं गरजेचं आहे. सार्वजनिक शौचालयांची कमतरता हे देखील अशा प्रकारच्या घटनांना कारणीभूत आहेत. 2019 मध्ये, मुंबईतील एका विक्रेत्याने न्यायालयात धाव घेतली होती आणि दावा केला होता की, त्याला गृहनिर्माण सोसायटीच्या शौचालयाचा वापर करण्याचा अधिकार आहे. न्यायालयाने सोसायटीच्या परवानगीशिवाय प्रवेश देण्यास नकार दिला असला तरी, जवळपासच्या सार्वजनिक शौचालयांच्या अनुपलब्धतेबद्दल त्याला दुकान सोडून जावं लागत असे. ज्यामुळे त्याला त्याचे दुकान तसेच ठेवून दूर प्रवास करावा लागत होता.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
