digital products downloads

सकारात्मक विचार चांगले भविष्य घडवतात – नितीन बानुगडे पाटील: एमआयटीच्या व्याख्यानमालेत इतिहास अभ्यासकांचे मत – Pune News

सकारात्मक विचार चांगले भविष्य घडवतात – नितीन बानुगडे पाटील:  एमआयटीच्या व्याख्यानमालेत इतिहास अभ्यासकांचे मत – Pune News


अध्यात्म आणि मनाचा जवळचा संबंध असून, मनाची सामर्थ्यशीलता विचारांनी तयार होते. विचार ऊर्जा, प्रेरणा आणि दिशा देतात. विचारांची स्पष्टता आणि सकारात्मक विचारच चांगले भविष्य घडवतात, असे मत प्रसिद्ध वक्ते आणि इतिहास अभ्यासक नितीन बानुगडे पाटील यांनी व्यक्त

.

एमआयटी विश्वशांती विद्यापीठ, कोथरूड, पुणे येथे आयोजित ३० व्या तत्त्वज्ञ संत श्री ज्ञानेश्वर व संत श्री तुकाराम महाराज स्मृती व्याख्यानमालेच्या सहाव्या पुष्पप्रसंगी ते प्रमुख पाहुणे म्हणून बोलत होते.

यावेळी केशव वेल्हाळ, नागपूर विद्यापीठाचे माजी कुलगुरू डॉ. एस. एन. पठाण आणि व्याख्याते डॉ. संजय उपाध्ये हे पाहुणे म्हणून उपस्थित होते. तसेच प्रा. शरदचंद्र दराडे पाटील, ॲड. रियाज पडवीकर, एमआयटी विद्यापीठाचे कुलगुरू डॉ. आर.एम. चिटणीस आणि डॉ. मिलिंद पात्रे यांचीही उपस्थिती होती. प्रा. डॉ. विश्वनाथ कराड यांनी कार्यक्रमाचे अध्यक्षस्थान भूषवले.

केशव वेल्हाळ यांनी ‘ओम’ हे सृष्टीचे मूळ आणि संपूर्ण विश्वाचे प्रतीक असल्याचे सांगितले. ओंकार हे भारतीय तत्त्वज्ञानाचे सार मानले जाते, तर ‘ओम क्वांटम कम्प्युटिंग’ हा तंत्रज्ञानातील जागतिक शांततेचा मार्ग असल्याचे त्यांनी नमूद केले.

डॉ. संजय उपाध्ये म्हणाले की, संतांच्या साहित्यामुळे सर्वांकडे समदृष्टीने पाहण्याची भूमिका तयार होते. समता, समानता आणि मानवतेचे वैश्विक स्तरावरील आदर्श प्रतीक म्हणून ‘मानवतातीर्थ भवन’ची आज ओळख झाली आहे.

डॉ. एस. एन. पठाण यांनी समाजात सांप्रदायिक सद्भावाची नितांत गरज असल्याचे प्रतिपादन केले. हिंदू-मुस्लिम ऐक्यातून अनेक प्रश्न सुटतील आणि मानवता हाच मुख्य धागा ठेवून सर्वांनी एकत्र राहावे, असे आवाहन त्यांनी केले.

अध्यक्षीय भाषणात प्रा. डॉ. विश्वनाथ कराड म्हणाले की, छत्रपती शिवरायांनी सर्व जातीधर्माच्या सीमा ओलांडून स्वराज्य निर्माण केले. त्यांची ‘वसुधैव कुटुंबकम्’ या वैश्विक विचाराला पूरक भूमिका होती. रयतेच्या राज्याच्या याच विचारांनी विश्वमानवता साधता येईल, असे त्यांनी स्पष्ट केले.

Doonited Affiliated: Syndicate News Hunt

This report has been published as part of an auto-generated syndicated wire feed. Except for the headline, the content has not been modified or edited by Doonited.

Source link

Related posts

Leave a Reply

Your email address will not be published. Required fields are marked *

Uttarakhand News Doonited
Social media & sharing icons powered by UltimatelySocial
Instagram
WhatsApp